Lukas 24:47 - Etestamende Epe Moludhimba

⁴⁷ Iya eliteyululo neithepo lyodhonkali ngali teethelwe ovantu avehe mena lye, okuuta moJerusalem.

Lukas 24:47 Iomraidhean Croise

Mateus 28:19

Iya enden̯i ka ningen̯i ovantu avehe ovalongwa vandje, mu ve tjatjele mena lyaIhe nolyOmuna nolyOmbepo Ondhilikwa,

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 9:13

Iya enden̯i mu ke lilonge otjipuka hehi okutya matji tya vi: ‘Onkenda me hala, hamayambo.’ Ame hí dhile okwiithana ovavyuuki, iya mbe ya okwiithana ovalundhi.”

Lukas 13:34

“Jerusalem, Jerusalem, ove nguu dhipaa ovaprofeti, u dhipaa nomawe mboka mbawa tuminwa. Itungapi ndji hala okwoongedha ovanoye ngohuhwa hii ongedha oupiyona wayo kohi yomavava ayo! Iya n̯e kamu tji halele.

Ovilinga 10:43

Ovaprofeti avehe va popile Jesus okutya omuntu auhe nguma itavele muye, ma ithilwa po odhonkali dhe mena lye.”

Ovilinga 11:18

Iya wo hiva tee odhondaka hendhi, kave na uke hiva popya, va hivilika Kalunga hava tyaa: “Kalunga wa yandja oluvedhe kovapaani, ve liteyulule, opo va kale nomwenyo.”

Ovilinga 13:46

Iya Paulus naBarnabas va popya nouvandhi hava tyaa: “Nt̯e olutenga tainkolo hátuya teethela ovantu vamo, on̯e twa thele okuteethela ondaka hendji yaKalunga. Iya n̯e kamu i tambulile. Hehi matji tya, n̯e mwe limona okutya kamu thevelwe okuya momwenyo waapehe. Iya nt̯e napano matu ka teethela ovapaani.

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 20:21

Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 26:18

okupathumuna omeho awo, opo va dhe mo met̯iku, ve ye motjiten̯i, wo va thiee po etumino lyaSatana, ve ye kuKalunga. Iya ava ndjitavele, mava pewa eithepo lyodhonkali noumpinga pamo novantu ovadhilikwa vaKalunga.’

Ovilinga 26:20

Iya olutenga mba teethela owomoDamasko nowomoJerusalem nowomotjilongo atjihe tjaJudea nomokati kovapaani wo okutya ve liteyulule, ve ye kuKalunga, va undape ovilinga mbyoka mbimavi yulike okutya wo ve liteyulula.

Ovilinga 28:28

Pehulilo Paulus we ve heela ha tyaa: “Kalen̯i amu tji i okutya elaka lyaKalunga lyehupitho lya tuminwa kovapaani, iya nawo mave ke li tyaa.”

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovilinga 4:12

Ehupitho mali moneka vala muye aika, mouye auhe kamu na tja uke ena nolimo Kalunga ndyaa yandja kovantu li tu hupithe.”

Ovilinga 5:31

Omulumentu hengu Jesus, Kalunga we mu yelela peulu kokulyo kwe, a kale Ohongodhi nOmuhupithi, opo a pe Ovaisraeli oluvedhe lwokuliteyulula, va ithilwe po odhonkali dhawo.

Ovaroma 5:20

Iya Kalunga wa yandja oveta, odhonkali opo dhi ila odhon̯ingi, mpape na odhonkali odhon̯ingi net̯ilonkenda lyaKalunga en̯ingi.

Ovaefeso 1:6

tu hivilike etumbalo lyet̯ilonkenda lye ndyoka ndyee tu pa otjali mOmuhivilikwa we.

Ovaefeso 3:8

Ame ngundji li omununu kovantu ovadhilikwa avehe, mba pewa et̯ilonkenda hendi, ndji teethele ovapaani ouhona waKristus, mbuhau tjiiwa okuthongononwa,

Ovakolossa 1:27

Iya ontanto yaKalunga okwiivithila ovantu ve otjiholekwa hitji na ouhona, hitji na etumbalo ndyoka ndyee ve udhikila. Otjiholekwa otjo soka okutya Kristus u li mun̯e, okutya n̯e mamu ka kala amu na mo tja metumbalo lyaKalunga.

1 Johannes 2:12

Vanwandje, me mu sonekele, mena lyokutya mwa ithilwa po odhonkali dhen̯i mena lyena lyaJesus.