Lukas 24:39 - Etestamende Epe Moludhimba

³⁹ Talen̯i omawoko andje nodhompadhi dhandje, mu tangan̯eke okutya aame omwene hengu. Nt̯in̯a ndjen̯i, mu mone okutya otjilulu katji na tja odhontumba nomat̯ipa, ngahi mu ndwete hindji na vyo.”

Lukas 24:39 Iomraidhean Croise

Lukas 23:46

Jesus wa wololoka peulu ha tyaa: “Taa, omwenyo wandje me u yandja momawoko oye.” Hiaa popi nyahi, tjau ha t̯i.

Lukas 24:38

Iya Jesus we ve heela ha tyaa: “Mwa tilile tji? Omena lyatji mu na omalimbililo momitima vyen̯i?

Lukas 24:40

Hiaa popi nyahi, we ve yulikila omawoko e nodhompadhi dhe.

Johannes 20:20

Kon̯ima hiaa popi nyahi, we ve yulikila omawoko e nopontyo mpaa twelelwe. Ovalongwa ve hulukilwe unene hiva mono Muhona.

Johannes 20:25

Ovalongwa ovakwawo ve mu heela hava tyaa: “Nt̯e twa mono Muhona!” Tomas we ve heela ha tyaa: “Ame andaa hí mwene ovito vyodhopeleko movikanda vye, he twele mo omunwe wandje movito moka mumwa li odhopeleko, nopontyo mpaa twelelwe, ndji twele po nokuwoko, híme itavele.”

Johannes 20:27

Iya wa heela Tomas ha tyaa: “Vyuukitha omunwe woye huno, ove u tale omawoko andje. Eta okuwoko, ove u nt̯in̯e pontyo. Iya itavela, hó kala uke awe limbililwa.”

Ovilinga 1:3

Kon̯ima yomatatetho net̯o lye, Jesus we liyulika movipuka ovingi okutya u na omwenyo. Oule womatango omilongo vine, Jesus we liholololela wo, ye he ve hipululile ovipuka vyotjilongo tjaKalunga.

1 Ovatessalonika 5:23

Kalunga wouwa nga dhilike okukala kwen̯i akuhe, ye nge mu amene, opo ombepo yen̯i nomwenyo nolutu vi kale ahavi na ombedhi, katee Muhona wetu Jesus Kristus ma tjuna.

Ovaheberi 12:9

Hitu kala nootate, ve tu yumaneka, iya twe ve tumbaleka. Iya matu kala vi ahamatu tumbaleke Tate owomeulu, opo tu ule okukala atu na omwenyo?

1 Johannes 1:1

Nt̯e matu mu heele Ondaka yomwenyo ndjaa li ko okudha peutilo. Twe i tyaa, nt̯e twe i mona nomeho etu, twe i tala, nomawoko etu e i t̯in̯a.