Lukas 23:4 - Etestamende Epe Moludhimba

⁴ Iya Pilatus wa heela ovayambethi ovanene nowingi wovantu ha tyaa: “Ame hí lwete mo onkali momuntu hengu.”

Lukas 23:4 Iomraidhean Croise

Mateus 27:19

Iya tainkolo Pilatus a li kotjipunditumino, omukadhe we mu tumina elaka ha tyaa: “Omulumentu hengu omuvyuuki. Hó mu ningile ouvi, mena lyokutya otjit̯iku tjandino mba loto ondjodhi ombi ouhunga naye.”

Markus 15:14

Iya Pilatus we ve pula ha tyaa: “Omena lyatji, ouvi mbwaa ningi owatji?” Iya wo va wololoka vala otjo mava tyaa: “Mu papela komutjaakano!”

Lukas 23:22

Iya Pilatus wa popya nawo otjikando otjityatatu ha tyaa: “Omena lyatji, ouvi mbwaa ningi owatji? Ame hí mwene mo onkali yokut̯a muye. Me mu tonetha, ndji mu yethe.”

Johannes 18:38

Pilatus we mu pula ha tyaa: “Otjatjili otjitji?” Pilatus hiaa popi nyahoka wa tjuna uke pondje kOvajuda ha tyaa: “Ame hí lwete mo onkali muye.

Ovilinga 25:25

Iya hí na hindji lwete hiaa lundha hitja thele oku mu dhipaetha. Ye omwene we liameka komukesari, opo mba dhi oku mu tuma kuye.

Ovilinga 3:13

Kalunga kaAbraham, Kalunga kaIsak naKalunga kaJakob, Kalunga kootateombwale, wa tumbaleketha omuntu we Jesus, ngumwa yandja, a dhipawe, hamu litendele ye movipathi vyaPilatus ngwaa pangele ompango yoku mu yetha.

Ovaheberi 7:26

Iya omuyambethi omunene nguu li hinyahi, oye e tu thevelwa wo, omudhilikwa, nguhe na ombedhi, ngwaa kohoka, ngwaa yapulwa movalundhi, ngwaa ningwa omunene, ha yelelwa peuluulu meulu.

1 Petrus 1:19

iya mwa yowolwa nombindhi yaKristus ndjii na okalu, ngwaa li ama ngala ondjona ndjihai na otjipo ne ombedhi.

1 Petrus 2:22

Ye ka lundhile nokanunu. Kape na tja omuntu noumo ngwee mu tyaa ama popi ovithithi,

1 Petrus 3:18

Kristus wa t̯ila ovantu avehe otjikando tjimo mena lyodhonkali, omuvyuuki poluvedhe lwovalundhi, opo e ve ete puKalunga. Wa dhipawa palutu, ha kala nomwenyo pambepo.