Lukas 22:33 - Etestamende Epe Moludhimba

³³ Petrus wa yaka ha tyaa: “Muhona, ame mbe lilongekedha okuya pamo naove mokaliwoso nomet̯o.”

Lukas 22:33 Iomraidhean Croise

Mateus 20:22

Jesus we ve yaka ha tyaa: “N̯e himamu kumbu, kamu tji i. Otjinwino hime ka nwa, mamu ulu oku ke tji nwa?” Ve mu yaka hava tyaa: “Matu tji ulu.”

Markus 14:29

Petrus we mu heela ha tyaa: “Nandaku tiwa avehe ve ke ku yetha, ame híme ke ku yetha.”

Markus 14:31

Petrus we mu heela nodhonkono ha tyaa: “Nandaku tiwa mba ka t̯a pamo naove, hime ke litendela ove.” Ovakwawo avehe nawo otjo va yaka.

Lukas 22:34

Iya Jesus we mu heela ha tyaa: “Petrus, me ku heele okutya ndino hendi, tainkolo onkondombolo háiya popya, ove mo lintendele tutatu okutya ku ndji i.”

Lukas 22:57

Iya Petrus we litendela, ha tyaa: “Mukadhintu ove, ame hengu hí mu i.”

Johannes 13:38

Jesus wa yaka ha tyaa: “We lilongekedha okut̯a mena lyandje? Ame me ku heele otjatjili okutya tainkolo onkondombolo háiya popya, ove mo lintendele tutatu.”

Ovilinga 21:13

Paulus we ve yaka ha tyaa: “Mamu ningi vi nyahoka, himamu lili, mamu yandja owoma komwenyo wandje? Ame mbe limana okupwa, haku ka kutwa vala moJerusalem, iya noku ka t̯a mena lyaMuhona Jesus.”