Lukas 22:19 - Etestamende Epe Moludhimba

¹⁹ Wa itha po omungome, ha kumbu, he u nyembula, he ve pa wo, ha tyaa: “Hehi olutu lwandje ndumalu yandjwa mena lyen̯i. Hehi tji ningen̯i amamu nt̯ipaluka.”

Lukas 22:19 Iomraidhean Croise

Mateus 14:19

Iya wa heela owingi wovantu u kale pohi mehodhi. Iya wa itha po omingome mbyoka vitano nodhohi ndhoka mbali, ha tala peulu, ha pandula. Ye wa nyembula omingome, he vi pa ovalongwa, ovalongwa have vi pa owingi wovantu.

Mateus 15:36

Iya wa itha po omingome mbyoka epanduvali nodhohi. Iya hiaa pandula, we vi nyembula, he vi pa ovalongwa, ovalongwa have vi pa owingi wovantu.

Lukas 22:17

Iya wa itha po otjinwino, ha pandula ha tyaa: “Tji tambulen̯i, mu liyandjele.

Lukas 22:20

Iya kon̯ima yokulya wa itha po otjinwino, ha tyaa: “Otjinwino hehi ewaneneno epe mombindhi yandje ndjimai tilwahi mena lyen̯i.

Lukas 24:30

Iya hiva li amava li pamo, wa itha po omungome ha pandula, he u nyembula, he ve pa wo.

Johannes 6:23

Omawato omakwawo ngaa dha koTiberias, e ya kontyo popedhi noluvedhe ndoka ovantu huva lilile omingome, Muhona hiaa kumbile.

Johannes 6:51

Aame omungome womwenyo mboka mbwaa dha meulu. Kwalukele ngoka nguma li omungome hembu, ma kala ae na omwenyo katee apehe. Omungome mboka mbume mu pa, olutu lwandje, ndoka ndume yandja, lu ninge omwenyo wouye.”

1 Ovakorinto 10:16

Otjinwino hitu undapetha mOkulya Okudhilikwa kwaMuhona, hitu pandulila Kalunga, nan̯i katu nu mo ombindhi yaKristus? Omungome mbutu liyandjela, nan̯i katu liyandjele olutu lwaKristus?

1 Ovakorinto 10:4

hava nu ovikunwa vimo vyopambepo. Va nwa mewe limo lyopambepo ndyee ve landula, ewe ndyoka oKristus.

Ovagalati 1:4

Jesus Kristus we liyandja mena lyodhonkali dhetu, opo e tu hupithe mo mouye hembu wanapano ouvi, e tu hupithe, Kalunga Tate ngahi ma hala.

Ovagalati 4:25

Iya Hagar ma yelekwa nondundu yaSinai ndjii li muArabia, ye oye ma yelekwa naJerusalem tjanapano, hitji li moupika pamo novantu vatjo avehe.

Ovaefeso 5:2

Kalen̯i mohole ngaKristus hiee tu hole wo, hiee liyandja poluvedhe lwetu oviyandjwa vyotjali neyambo, ndyaa pepa nawa kuKalunga.

1 Ovatessalonika 5:18

Yandjen̯i ompandu movipuka avihe. Hehi otjo tji li ehalo lyaKalunga kun̯e muKristus Jesus.

Titus 2:14

ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

1 Petrus 2:24

Kristus wa tjinda odhonkali dhetu molutu lwe komutjaakano, opo tu kutuluke koulundhi, tu kale amatu undapa hitja vyuuka. N̯e mwa velulwa koviwalo vye.