Lukas 21:34 - Etestamende Epe Moludhimba

³⁴ “Iya liyungen̯i, omienyo vyen̯i hávi ulithwa komalyaalyo nokepyalu nokounkolwe nokotjiho tjovikulya, etango ndyoka ahamali mu vadha ontukuluka ngomoo.

Lukas 21:34 Iomraidhean Croise

Mateus 13:22

Ndjoka ndjaa wila modhohongo, i ngala omuntu ngoka nguma tee odhondaka dhaKalunga, iya otjiho tjouye hembu, nokulikembela ouhona matji thin̯a mo odhondaka dhaKalunga, dho ahamadhi eta po tja.

Markus 13:9

“Iya lilungamenen̯i n̯e ovene. Ovantu mave ke mu yandja kovyoongi vyovanene, mamu ka tonenwa modhosinagoga, iya mamu ka twalwa kovipala vyovatumini novyodhohamba mena lyandje, mu ninge odhombangi dhokuntjipulula kuwo.

Markus 4:19

iya otjiho tjouye hembu nokulikembela ouhona nolwiho ndumalu ya muwo, malu thin̯a mo odhondaka dhaKalunga, dho ahamadhi eta po tja.

Lukas 10:41

Muhona we mu yaka ha tyaa: “Marta, Marta, mo lipa otjiho nokulingwangwaneka movipuka ovingi.

Lukas 12:40

Nan̯e wo kalen̯i amwe lilongekedha, mena lyokutya Omuna wOmuntu me ya powola ndjihamamu mu kevelele.”

Lukas 17:3

Iya liyungen̯i n̯e ovene! “Omukwen̯i andaa wa lundha, mu pukulula. Andaa we liteyulula, mu ithila po.

Lukas 21:35

Iya mali ka vadha ovantu avehe kombanda yohi aihe.

Lukas 21:8

Jesus we ve heela ha tyaa: “Lungamen̯i, ahamamu pukithwa, iya ovantu ovengi mave ke ya nena lyandje, wo have lityaa: ‘Aame,’ vamo hava tyaa: ‘Otembu ye thiki.’ Iya hámu ve landula.

Lukas 8:14

Ndhoka ndhaa wila modhohongo, dhi ngala ovantu mboka mbamava tee odhondaka dhaKalunga, atjaa hava thin̯wa koviho nokomauhona nokomahuluko onkalamwenyo hendji, iya kave na hiva eta po.

1 Ovakorinto 5:11

Iya napano mbe mu sonekela okutya andaa pe na ngume litya omwiitaveli mukwen̯i, atjaa ye we litwaa movihulo ne u na olwiho ne u undapela ovikalunga ne u penya ovantu, ne u pyaluka ne u kengelela ovantu hámu i kumo naye, n̯e hámu li naye nokanunu.

1 Ovakorinto 6:10

ne ovimpulu ne mbave na olwiho ne mbava pyaluka ne mbava penya ne mbava kengelela, kaava ka pingana otjilongo tjaKalunga.

Ovagalati 5:20

okuundapela ovikalunga, oumpule, okuliyele, odhombata, oukodhi, oluyuma, ovilwa, okulipatela odhondjila,

Ovafilippi 4:6

Hámu kala amu na otjiho natja, iya outhona wen̯i u heelen̯i Kalunga momaalikano, mokukumba nomokupandula.

Ovaheberi 12:15

Talen̯i okutya ahamapa kala omuntu ngume liitha mo met̯ilonkenda lyaKalunga. Talen̯i okutya ahamapa kala omuntu nguma ngala otjitho hitji na oudhioo, hitja lula, hatji kulu, hatji etele ovantu oudheu owingi noudhioo watjo.

2 Petrus 3:10

Iya etango lyaMuhona mali ya ngotjimpulu. Etango ndyoka eulu mali ka ithwa po nomutitimo omunene, ovipuka vyokeulu mavi ka pya po nomulilo, nohi novipuka vyayo avihe mavi ka lungwina.

2 Petrus 3:14

Vakwetu ovahivilikwa, tainkolo mamu kevelele etango ndyoka, kondjen̯i mu kale amwa kohoka, ahamu na tja ombedhi, mu kale naye nouwa.

Eholololo 3:3

Iya thipaluka hiwa pelwe nahiwa teele, ove u tji takamethe, u liteyulule. Iya andaa koo pathumuka, me ya ngotjimpulu, nowola ndjime ya kwoove, koo i iwa.