Lukas 21:12 - Etestamende Epe Moludhimba

¹² Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Lukas 21:12 Iomraidhean Croise

Mateus 22:6

Mbave thiwa po va kambula ovapika wohamba, ve ve tatetha, have ve dhipaa.

Mateus 24:8

Ovipuka hembi avihe omautilo oudheu ngedhimo amali kweya.

Lukas 21:11

Pomaluvedhe nomaluvedhe ohi mai ka teketa unene, maku ke ya ondjala nomitjithi vyovintimba. Keulu maku ka kala omatangan̯eko omanene ngamaa tilitha.

Johannes 15:20

Thipaluken̯i soka himbe mu heela he tyaa: ‘Omupika ka pon̯ene omuhona we.’ Andaa ovantu va ntaata, nan̯e wo mave ke mu taata. Andaa va takametha odhondaka dhandje, nodhen̯i wo mave ke dhi takametha.

Johannes 15:21

Iya ovipuka hembi avihe ovyo mave ke mu ningila mena lyokutya n̯e muvalongwa vandje, mena lyokutya kave mu i ngoka ngwaa ntuma.

Ovilinga 22:30

Iya ngamuhuka ondjai yovita ya li amai hala okutyaa nawa okutya Ovajuda otjitji mava hala okukondjetha Paulus. Ondjai ya popya okutya Paulus nga kutululwe, yo hai heele ovayambethi ovanene, Otjoongi atjihe tjOvanene tji ongane. Ondjai ya eta mo Paulus, hai mu kulameke komeho yawo.

Ovilinga 5:40

Ovanene wOtjoongi va ithanununina mo ovayapostoli, hava heele ovayungi, ve ve tone, have ve anda okutya háva popi uke mena lyaJesus, tjau have ve yetha.

Ovilinga 8:3

Iya Saulus wa uta okuhan̯auna po eongalo. Ye wa hita modhonganda, ha kokolola mo ovaitaveli, ovalumentu novakadhintu, he ve yedhilile mokaliwoso.

Ovilinga 9:4

Saulus wa wila pohi, ha tee ondaka ndjimai mu popitha hai tyaa: “Saulus, Saulus, mo ntaantele tji?”

1 Petrus 2:13

Mena lyaMuhona tyeen̯i ketumino alihe lyountu, kutya nee okohamba nguu li omutumini wovantu avehe,

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.