Lukas 2:37 - Etestamende Epe Moludhimba

³⁷ Iya potembu ndjoka wa li omuhepe wodhombula omilongo epandutatu nane. Ye ka dhile mo nokoholo motempeli, iya wa undapela Kalunga out̯iku nomutenya ama kumbu, ye he litjaele ovikulya.

Lukas 2:37 Iomraidhean Croise

Lukas 5:33

Ovantu vamo va heela Jesus hava tyaa: “Ovalongwa vaJohannes va kala amave litjaele ovikulya otwingi, hava kumbu, novalongwa wOvafarisai otjo va ninga, iya ovalongwa woye va kala vala amava li otjo mava nu.”

Ovilinga 13:3

Iya ve litjaela ovikulya, hava kumbu, hava tendeke omawoko awo kuBarnabas naSaulus, have ve lekele.

Ovilinga 14:23

Paulus naBarnabas eongalo alihe ve liholowolela ovanene veongalo. Wo ve litjaela ovikulya, hava kumbu kuKalunga, iya va yandja ovanene veongalo motjiho tjaMuhona, nguva itavela.

Ovilinga 26:7

Omaanda etu omulongo naavali a un̯ika eudhiko hendi okutya mali hwithilwa po, himaa undapele Kalunga omutenya nout̯iku. Ekevelelo hendi, hamba omutumbalekwa, olyo me kondjethelwa kovanene wOvajuda!

1 Timoteus 5:5

Omuhepe watjatjili onguhe na ngume mu t̯ile otjiho, u liun̯ika muKalunga, u kala ama kumbu kuKalunga omutenya nout̯iku.

Eholololo 3:12

Nguma ton̯a, me mu ningi ongundhi motempeli yaKalunga kandje. Iya ye kaa dhi mo uke. Me mu soneke ena lyaKalunga kandje, nena lyotjitungwalongo tjaKalunga kandje, Jerusalem otjipe, himatji ya pohi okudha meulu kuKalunga. Me ke mu soneka wo ena lyandje epe.

Eholololo 7:15

Iya wo ve li komeho yotjipunditumino tjaKalunga, mave mu undapele omutenya nout̯iku motempeli ye. Iya ngwaa li aa kala pohi kotjipunditumino ma dhiki esase lye lyoku ve amena.