Lukas 2:14 - Etestamende Epe Moludhimba

¹⁴ “Etumbalo olyaKalunga Owokombandambanda, nouwa kombanda yohi movantu mbaa hopa.”

Lukas 2:14 Iomraidhean Croise

Mateus 21:9

Iya owingi wovantu mboka mbava li komeho nambava li amave mu landula, va wololoka hava tyaa: “Hosianna MunwaDavid! Nga tumbalekwe hengu ngume ya mena lyaMuhona! Hosianna Owokombandambanda!”

Lukas 1:79

himatji tungatele ovantu mboka mbave li met̯iku nomotjidhidhimbe tjet̯o, tji vyuukithe odhompadhi dhetu mondjila youwa.”

Lukas 19:38

hava tyaa: “Ohamba ngume ya mena lyaMuhona nga tumbalekwe, ouwa ngau kale meulu, netumbalo kombandambanda.”

Lukas 2:13

Iya dhivadhiva pomweengeli ngoka pa li engundwa lyovaengeli womeulu, hava hivilike Kalunga hava tyaa:

Lukas 2:15

Iya ovaengeli hiva dhi po puwo, hiva tjuna meulu, ovanahambo ve liheela hava tyaa: “Tu enden̯i iya koBetlehem, tu ka tale hitja ningwa ko, Muhona hiee tu holololele.”

Lukas 3:22

eulu lye liyapuka, Ombepo Ondhilikwa ya lauka ngonguti, hai mu wilile. Meulu mwa dha ondaka hai tyaa: “Oove Omunwandje omuhivilikwa, ngumba hopa.”

Johannes 14:27

“Ouwa me mu thiile wo. Ouwa wandje omwene me mu pa wo. Ame híme mu pa wo ngouye hiuu yandja. Omienyo vyen̯i hávi dhiwele, n̯e hámu tila.

Johannes 17:4

Ame mbe ku tumbaleketha kombanda yohi, mba hwithila po otjilinga soka hiwa mpa, ndji tji undape.

Johannes 3:16

Iya Kalunga otjo a kala ae hole ouye, ye wa yandja Omuna Ongunga, opo auhe ngoka ngwaa itavela muye ahama keka, iya a kale ae na omwenyo waapehe.

Ovilinga 10:36

Hendji oyo i li ondaka Kalunga ndjaa tuma kotjiwan̯a tjaIsrael noku ve teethela ondaka ombwa yehuluko ndjaa etwa naJesus Kristus, Muhona wovantu avehe.

Ovaroma 5:1

Iya hitwa ningwa ovavyuuki mena lyeitavelo, iya napano otjo pe na ouwa pokati ketu naKalunga mena lyaMuhona wetu Jesus Kristus.

Ovaefeso 1:6

tu hivilike etumbalo lyet̯ilonkenda lye ndyoka ndyee tu pa otjali mOmuhivilikwa we.

Ovaefeso 1:9

Kalunga we tu ivitha otjiholekwa tjehalo lye montanto ye ombwa, ndjaa panga ompango muKristus.

Ovaefeso 2:4

Iya Kalunga omuhona wonkenda mena lyohole ye onene ndjee tu hole nayo.

Ovaefeso 2:7

opo moluvedhe ndumalu ya a yulike ouhona wet̯ilonkenda lye mbuhau tjiiwa okuyelekwa nouwa we kunt̯e muKristus Jesus.

Ovafilippi 2:11

elaka alihe li tumbaleke Kalunga Ihe, li hipulule okutya Jesus Kristus oye e li Muhona.

Ovafilippi 2:13

Iya Kalunga oye a undapa mun̯e okutya mu hale n̯e mu undape ngahi ma hala.

Ovakolossa 1:20

Iya Kalunga wa tokola okutjun̯a ouye, u ye puye omwene okupitila mOmuna. Kalunga wa eta ouwa okupitila mombindhi yOmuna komutjaakano. Ovipuka avihe kutya ne okombanda yohi ne omeulu we vi eta pamo puye.

2 Ovatessalonika 2:16

Muhona wetu Jesus Kristus omwene naKalunga Tate, u tu hole. Ye omuwa, we tu pa ket̯ilonkenda lye etendeleko lyaapehe neliun̯iko ewa.

Eholololo 5:13

Ame mba tyaa ovyuutwa avihe vyomeulu novyokombanda yohi novyomohi novyomelunga, avihe mbii li mo, vya imba havi tyaa: “Ehiviliko netumbaleko netumbalo nodhonkono ngavi pewe hengu ngwaa kala pohi kotjipunditumino nOndjona, apehe katee apehe!”