Lukas 19:47 - Etestamende Epe Moludhimba

⁴⁷ Ye wa li ae ve longa motempeli etango alihe, iya ovayambethi ovanene novalongiveta novanene wotjilongo ve mu taendha, ve mu dhipae,

Lukas 19:47 Iomraidhean Croise

Mateus 21:23

Iya Jesus hiaa hiti motempeli, ovayambethi ovanene novanene wotjiwan̯a ve ya kuye, tainkolo a li ama longo ovantu. Ve mu pula hava tyaa: “Ovipuka hembi u vi ninga ketumino patji? Aan̯i ngwee ku pa etumino hendi?”

Mateus 26:55

Iya powola ndjoka Jesus wa heela engundwa lyovantu ha tyaa: “Mwe ya nomaonga nodhonkunye ngambamamu kambula otjimpulu? Omatango aehe ndji kala motempeli, ndji longa ovantu, n̯e kamu nkambula.

Markus 11:18

Ovayambethi ovanene novalongiveta ve tji tyaa, hava soko okutya va thele okuninga vi, opo ve tjiiwe oku mu dhipaa, va li amave mu tila, mena lyokutya elongo lye lya kumitha ovantu avehe.

Markus 12:12

Iya ovanene wOvajuda va li amava hala okukambula Jesus, mena lyokutya va iwa okutya owo a li ama popi meeli hendi. Iya mena lyokutya va li amava tila owingi wovantu, ve mu thiaa po, hava i.

Markus 14:1

Iya kwa li omatango avali otjipito tjOpaasa notjomingome mbihavi tuwa ontathi tji thike, ovayambethi ovanene novalongiveta va tompola okutya va kambule Jesus movineya, wo ve mu dhipae.

Markus 14:49

Omatango aehe ndji kala nan̯e motempeli ndji longa ovantu, n̯e kamu nkambula. Iya hehi matji ningwa okutya omisonekwa opo vi hwithilwe po.”

Lukas 19:48

atjaa kava mwene oluvedhe lwoku tji ninga, mena lyokutya ovantu avehe ve mu hopa, have mu teelele.

Lukas 20:19

Ovalongiveta novayambethi ovanene va li amava hala okukambula Jesus powola yatjo tuu ndjoka, mena lyokutya va iwa okutya owo a li ama popi meeli hendi, atjaa va tila ovantu.

Johannes 10:39

Wo va li amava hala uke oku mu kambula, atjaa wa dha mo momawoko awo, ha i.

Johannes 18:20

Jesus we mu yaka ha tyaa: “Ame ndji popya apehe movipathi vyovantu avehe. Mba longa apehe modhosinagoga nomotempeli, moka mumu ongana Ovajuda avehe. Ame hí popile notjimo meholamo.

Johannes 7:19

Moses ke mu pele oveta? Iya kamu na tja noumo mun̯e nguma ulu oveta. Omena lyatji mamu hala okundhipaa?”

Johannes 7:44

Vamo va li amava hala okukambula Jesus, iya kapa li noumo ngwee mu twaa omawoko.