Lukas 19:12 - Etestamende Epe Moludhimba

¹² Jesus we ve heela ha tyaa: “Pa li omulumentu umo omuhona ngwaa ile kotjilongo tjokokule, a ka vyaalekwe ouhamba, ye a tjune.

Lukas 19:12 Iomraidhean Croise

Mateus 21:38

Iya ovaundikwa hiva mono omuna, ve liheela hava tyaa: ‘Hengu oye e li ompinga, tu mu dhipaen̯i, epingo lye li ninge po olyetu.’

Mateus 28:18

Jesus we ya kuwo, he ve heele ha tyaa: “Ame mba pewa etumino alihe meulu nokombanda yohi.

Markus 12:1

Jesus wa uta oku ve heela momaeli ha tyaa: “Kwa li omulumentu umo ngwaa twikile omivinyu motjuundo tje. Ye we tji umba olumbo, ha tha mo otjikolelo, ha tungu mo ondjuwo ndjaa ya pokatangaulu, ha undike mo ovantu, tjau ye ha ka valula.

Markus 16:19

Iya kon̯ima Muhona Jesus hiee ve heele nyahoka, wa twalwa meulu. Iya ha kala pohi kokulyo kwaKalunga.

Lukas 20:9

Jesus wa uta okuheela ovantu eeli hendi ha tyaa: “Kwa li omulumentu umo ngwaa twikile omivinyu motjuundo tje, ha undike mo ovantu, tjau ye ha ka valula olule kovilongo vyokokule.

Lukas 24:51

Iya tainkolo a li ame ve pa elao, we ve thiaa po, ha twalwa meulu.

Johannes 18:37

Pilatus we mu pula ha tyaa: “Oove ohamba nan̯i?” Jesus we mu yaka ha tyaa: “U li mondjila himo tya ndjihamba. Otjo mba yumukilwa, tjo otjo mbe dhila mouye hembu, opo ndji popye otjatjili. Auhe nguu li motjatjili, ma nteelele.”

Ovilinga 17:31

Iya ye wa twaa po etango hima ka koya ouye pauvyuuki, me ke u koyetha omulumentu ngoka ngwaa holowola. Ye wa yulikila ovantu avehe otjipuka hehi poluhandja, hiaa imuna omulumentu ngoka kout̯e.”

1 Ovakorinto 15:25

Iya Kristus u tha okutumina katee Kalunga ma ton̯a odhondjedhi dhe adhihe, he dhi twaa kohi yodhompadhi dhaKristus.

Ovaheberi 9:28

Iya naKristus wo wa yambwa otjikando tjimo, opo a ithe po odhonkali dhovengi. Iya me ke ya otjikando otjityavali, hakuya okwiitha po odhonkali, iya ma ka etela ehupitho mboka mbave mu kevelela.

1 Petrus 3:22

Jesus wa ya meulu, u li kokulyo kwaKalunga, u tumina ovaengeli, omatumino nodhonkono dhomeulu.

Eholololo 1:7

Taa tuutuu, ye me ya momakaka, nomeho ovantu avehe mae ke mu mona, nambave mu twela neonga mave ke mu mona, noviwan̯a avihe vyokombanda yohi mavi ka lila himavi mu mono. Iinga matji ka ningwa! Amen.