Lukas 18:23 - Etestamende Epe Moludhimba

²³ Hiaa tee odhondaka ndhoka, wa li ae etetha onkenda, mena lyokutya wa li omuhona unene.

Lukas 18:23 Iomraidhean Croise

Mateus 19:22

Etele hilya tee odhondaka ndhoka, lya dha po alya etetha onkenda, mena lyokutya lya li nemona en̯ingi.

Markus 10:22

Iya odhondaka ndhoka dhe mu ihameka omutima, ha dhi po aa etetha onkenda, mena lyokutya wa li nemona en̯ingi.

Lukas 12:15

Ye wa heela ovantu ha tyaa: “Lungamen̯i, n̯e mu yepe olwiho aluhe, mena lyokutya omuntu kaa ulu okuhupitha omwenyo we koun̯ingi wemona lye.”

Lukas 18:22

Jesus hiee tji tee, we mu heela ha tyaa: “Wa kambetha po otjipuka tjimo. Enda, u ka landethe po ovipuka vyoye avihe mbyuu na vyo, ove u vi yandje kovathona. Iya ove u kale nemona meulu, tjau ove u ye, u ndandule.”

Lukas 18:24

Jesus hiaa mono okutya omuhona u yuvite oudheu, we mu heela ha tyaa: “Oudheu vi kumbave na ouhona okuya motjilongo tjaKalunga!

Lukas 19:8

Iya Sakeus wa kulama, ha heele Muhona ha tyaa: “Muhona, emona lyandje me li yandja pokati, limo me li yandja kovathona. Andaa ndji na ngoka ngumba kengelela ovipuka vye, me mu tjun̯ine tune.”

Lukas 21:34

“Iya liyungen̯i, omienyo vyen̯i hávi ulithwa komalyaalyo nokepyalu nokounkolwe nokotjiho tjovikulya, etango ndyoka ahamali mu vadha ontukuluka ngomoo.

Lukas 8:14

Ndhoka ndhaa wila modhohongo, dhi ngala ovantu mboka mbamava tee odhondaka dhaKalunga, atjaa hava thin̯wa koviho nokomauhona nokomahuluko onkalamwenyo hendji, iya kave na hiva eta po.

Ovaefeso 5:5

Iya hehi mu tji i, mwe tji koneka okutya auhe nguu hole ovihulo ne nguha kohokele ne nguu na olwiho, oye a undapela ovikalunga, ke na tja oumpinga motjilongo tjaKristus notjaKalunga.

Ovafilippi 3:8

Iinga ovipuka avihe himbe vi yeleke nokwiiwa Kristus Jesus, Muhona wandje, ovipuka avihe mbe vi yetha mena lye, mba tala okutya kavi na tjilinga, okutya ame me nganyana Kristus,

Ovakolossa 3:5

Yethen̯i omahalo opauye ngae li mun̯e ngahi tji li: Ovihulo, okuhakohoka, otjipando otjivi, ehalo evi, olwiho lwemona olwo lu li okuundapela ovikalunga.

1 Johannes 2:15

Hámu kala amu hole ouye, n̯e hámu kala amu hole ovipuka vyomouye. Andaa pe na nguu hole ouye, ohole yokuhole Kalunga kai mo muye.