Lukas 18:13 - Etestamende Epe Moludhimba

¹³ “Iya omuthendelethi wa kulama kokule, ye kaa li ama hala okuyela omeho keulu. We likambula pomutima ha tyaa: ‘Kalunga, nt̯ila ndje onkenda, ame ndjimulundhi.’

Lukas 18:13 Iomraidhean Croise

Mateus 10:3

oFilippus naBartolomeus, oTomas naMateus omuthendelethi, oJakob yaAlfeus naTaddeus,

Mateus 6:5

“Iya amamu kumbu, hámu ngala ovalinomi, mena lyokutya amava kumbu, ve hole okukulama modhosinagoga nopomawaneneno odhondjila, opo va moneke kovantu. Otjatjili me mu heele okutya mboka va pewa ondjambi yawo.

Mateus 9:13

Iya enden̯i mu ke lilonge otjipuka hehi okutya matji tya vi: ‘Onkenda me hala, hamayambo.’ Ame hí dhile okwiithana ovavyuuki, iya mbe ya okwiithana ovalundhi.”

Markus 11:25

Iya andaa mwa kulama amamu kumbu, amu na himwe liningi nomukwen̯i, liithilen̯i po, opo Iho owomeulu e mu ithile po wo odhonkali dhen̯i.”

Lukas 17:12

Hiaa i kokalongo kamo, ovalumentu wotjilundu omulongo ve mu wan̯en̯eka, hava kulama kokule,

Lukas 22:41

Iya wa yapuka muwo otjikambo hitji lithike pokuyumbwa kwewe, ha twike odhongolo, ha kumbu

Lukas 23:48

Ovantu avehe mboka mbava onganene ko okutala, hiva mono soka hitja ningwa, va tjuna kodhonganda ave ihamenwa.

Lukas 5:8

Simon Petrus hiee tji mono, wa twika odhongolo podhompadhi dhaJesus ha tyaa: “Muhona, dha po pwaame, mena lyokutya ame ndjimulundhi.”

Ovilinga 2:37

Iya ovantu hive tji tee, tje ve ihametha omitima, wo hava heele Petrus novayapostoli ovakwawo hava tyaa: “Valumentu vakwetu, ngatu ninge vi?”

Ovaroma 5:8

Iya Kalunga we tu yulikila okutya u tu hole. Tainkolo twa li ovalundhi, Kristus wa t̯a mena lyetu.

2 Ovakorinto 7:11

Iya taa tuutuu, Kalunga hiee mu undapela, himwa ningithwa omitima omivi kehalo lye. Okuningithwa omitima omivi kwe mu etela ouvandhi, ngahi mwa yulika okutya kamu na tja ombedhi. Otjipuka hitji li hinyahi tje mu tilitha, hatji mu yumanetha, hatji mu dhimbalukitha, hatji mu etele ouvandhi nehalo okuyumaneka ouvi. Mwa yulika okutya n̯e kamu na tja ombedhi nokanunu movipuka avihe.

1 Timoteus 1:15

Ondaka hendji oyatjatjili ya thele okutambulwa ndjimai tya Kristus Jesus we ya mouye, a hupithe ovalundhi. Ame aame ndji li omulundhi omunene oku ve pon̯a avehe.

Ovaheberi 4:16

Ngatu enden̯i kotjipunditumino tjonkenda yaKalunga atu na eliun̯iko, hoka humaku moneka onkenda nolweembya ndumalu tu popile moluvedhe oluwa.

Ovaheberi 8:12

Iya me ke ve t̯ila onkenda, he itha po omapuko awo, híme ka thipaluka uke odhonkali dhawo.”