Lukas 16:25 - Etestamende Epe Moludhimba

²⁵ “Iya Abraham we mu yaka ha tyaa: ‘Munwandje, thipaluka okutya monkalanwenyo yoye, ove wa pelwe ouwa, tainkolo Lasarus aa vadhwa monkalamwenyo ombi. Napano ye ma tendelekwa hemu, iya ove mo ihamethwa.

Lukas 16:25 Iomraidhean Croise

Mateus 27:63

hava tyaa: “Taa, twa thipaluka, omupukithi ngunya tainkolo aa li nomwenyo, wa tile: ‘Andaa pa piti omatango atatu, me ka imunwa kout̯e.’

Markus 9:45

Iya ompadhi yoye andaa mai ku tyoletha, i teta ko. Okuya momwenyo au li otjilema hahe, hatjo ngokukala nodhompadhi mbali, ove ho yumbwa moheli.

Lukas 16:20

Kwa li wo omuthona umo nguu tiwa oLasarus ngwaa tombauka oviwalo, u kala aa lala po potjivelo tjonganda yomuhona.

Lukas 16:23

Hiaa li moviihamo motjovat̯e, wa vandamena ko, ha mono Abraham kokule naLasarus, nguu li mekolo lye.

Lukas 16:26

Iya otjikwawo, pokati ketu pe na wo enkewo ele. Andaa pe na nguma hala okuya kun̯e, kee tjiiwa. Nahoka kaku na nguma ulu okuya kunt̯e.’

Lukas 6:24

Utatyei n̯e ovahona, mena lyokutya etendeleko lyen̯i mwe li mona ae.

Johannes 16:33

Ovipuka hembi mbe mu heele vyo, opo mu kale nouwa mwaame. N̯e mu na omaudheu mouye, atjaa hámu tila, ame mba ula ouye odhonkono!”

Ovilinga 14:22

Paulus naBarnabas va vandhipaleka ovaitaveli va kambulithe eitavelo, hava tyaa: “Olutenga amatu hiti motjilongo tjaKalunga matu pitile momatatetho omengi.”

Ovaroma 8:7

Iya omalipulo ountu a kondjetha Kalunga, mena lyokutya kaa tee koveta yaKalunga, oo kae tji ulu.

Ovafilippi 3:19

Ovantu mboka ehulilo lyawo ekeko. Edhimo lyawo olyo li li kalunga kawo. Ohon̯i yawo kuwo etumbalo. Wo va soka vala ovipuka vyokombanda yohi.

1 Ovatessalonika 3:3

Hápa kala noumo nguma teketethwa komaudheu henga. N̯e ovene mu tji i okutya omaudheu henga a tuwa po ae lukulu.

Ovaheberi 11:25

Ye wa holowola okutya okutatethwa pamo novantu vaKalunga hahe okupon̯a okuhulukilwa oulundhi wopokaluvedhe vala.

1 Johannes 2:15

Hámu kala amu hole ouye, n̯e hámu kala amu hole ovipuka vyomouye. Andaa pe na nguu hole ouye, ohole yokuhole Kalunga kai mo muye.

Eholololo 7:14

Ame mbe mu yaka he tyaa: “Taa, ove u tji i.” Iya wa ntjeela ha tyaa: “Hemba ombamava dhi moudheu ounene, mbava koha omidhalo vyawo, have vi lwelulile mombindhi yOndjona.