Lukas 16:2 - Etestamende Epe Moludhimba

² We mu ithana, he mu heele ha tyaa: ‘Ntjeela ndje otjipuka hindji yuvite hiwa ningi? Hava ovipuka mbyuu yunga, koo vi yungu uke.’

Lukas 16:2 Iomraidhean Croise

Mateus 12:36

“Iya me mu heele okutya ondaka aihe, ndjihai na otjilinga, ovantu ndjimava popi mave ke i pulwa etango lyekoyo.

Mateus 20:8

“Iya okawiiwii hika wile pohi, omwene wotjuundo wa heela omuntu we, omuviyuli, ha tyaa: ‘Ithana ovaundapi, u ve pe othuto, uta nambave ya kon̯ima katee kumbave ya olutenga.’

Lukas 12:20

Iya Kalunga we mu heela ha tyaa: ‘Mulumentu ove omuhima, out̯iku hembu wandino omwenyo woye mo u nyekwa, ovipuka mbyoka avihe mbiwa longekedha mavi ningi ovyaan̯i?’

Lukas 12:42

Muhona we mu heela ha tyaa: “Iya aan̯i omuyungi wonganda omuliun̯ikwa nguu na odhondunge ngwaa pewa okuyunga ovapika womuhona we, e ve pe odhondya powola yokulya?

Lukas 16:1

Jesus wa heela uke ovalongwa ve ha tyaa: “Kwa li omulumentu omuhona ngwaa li nomuyungi wonganda ye, wa heelelwe okutya omuyungi ma han̯auna po emona lye.

Lukas 16:3

Omuyungi we lipopila ha tyaa: ‘Me ningi vi, mena lyokutya omuhona wandje ma hala okundjeka okuyunga ovipuka vye? Okulima hí ku ulu, okukopa me t̯i ohon̯i.

Ovaroma 14:12

Omuntu auhe munt̯e me ke lihipulula omwene kuKalunga.

1 Ovakorinto 1:11

Ovakwetu owokoyooKloe va ntjeela nawa ouhunga nan̯e okutya mokati ken̯i mu na omalutangu.

1 Ovakorinto 4:2

Iya napano omuyungi auhe ma kevelelwa a kale omuliun̯ikwa.

1 Ovakorinto 4:5

Hámu koyo omuntu, tainkolo otembu háiye thika, katee Muhona me ya, nguma eta poluhandja oviholekwa vyet̯iku nokuhololola omalipulo aehe omomutima. Iya omuntu auhe ma ka pewa ompandu kuKalunga.

2 Ovakorinto 5:10

Iya atuhe matu ka hololoka kotjipala tjotjipunditumino tjaKristus, opo omuntu auhe a pewe soka hiaa undapa, tainkolo a li molutu kutya otjiwa ne otjivi.

1 Timoteus 4:14

Hó ningi eteya otjali hiwa pewa mouprofeti, ovanene veongalo hive ku tendeka omawoko.

1 Timoteus 5:24

Odhonkali dhovantu vamo dhi li poluhandja, madhi tenge okukoywa, iya odhavamo madhi ke ya kon̯ima.

1 Petrus 4:10

Omuntu auhe nga undapethe otjali soka hiaa pewa kuKalunga okupopila natjo ovakwawo ngahi matji thevelwa ovayungi ovawa wokuyunga otjali tjaKalunga hitji lili nahitji lili.

1 Petrus 4:5

Wo va thele oku ke lihipulula kotjipala tjaKalunga, ngwee lilongekedha okukoya ovat̯e nambave na omwenyo.

Eholololo 20:12

Mba mona ovat̯e ovanene novanunu mbava kulama kotjipala tjotjipunditumino. Iya omambo a li aa t̯imunwa. Embo ekwawo ndyoka ndyaa li embo lyomwenyo lya li alya t̯imunwa. Ovat̯e va koyelwa ovipuka ngahi vya sonekwa momambo novilinga vyawo.