Lukas 16:15 - Etestamende Epe Moludhimba

¹⁵ Iya Jesus we ve heela ha tyaa: “N̯e mu lininga ovavyuuki movipathi vyovantu, iya Kalunga ma iwa omitima vyen̯i. Ovantu ovipuka mbiva tya, vya tumbala, kuKalunga ovipo.

Lukas 16:15 Iomraidhean Croise

Mateus 23:5

Ovilinga vyawo avihe ve vi undapa, opo va moneke kovantu. Iya oupapa wawo mumu na omatumbulo omOmbimbeli, ve u ninga ounene, nodhondjambwila dhomidhalo dhawo odhonde.

Mateus 6:16

“Iya amamu litjaele ovikulya, hámu tungu omukoto ngahi tji ninga ovalinomi, mena lyokutya wo va tinda movipala, ovantu opo va mone okutya wo ve litjaele ovikulya. Otjatjili me mu heele okutya wo va pewa ondjambi yawo.

Mateus 6:2

Iya amo yandja otjali kovathona, hó iyaula ngahi tji ninga ovalinomi modhosinagoga nomodhondjila, opo va tumbalekwe kovantu. Otjatjili me mu heele okutya mboka va pewa ondjambi yawo.

Mateus 6:5

“Iya amamu kumbu, hámu ngala ovalinomi, mena lyokutya amava kumbu, ve hole okukulama modhosinagoga nopomawaneneno odhondjila, opo va moneke kovantu. Otjatjili me mu heele okutya mboka va pewa ondjambi yawo.

Lukas 10:29

Ngunya wa li ama hala okulitaletha ouvyuuki, ha pula Jesus ha tyaa: “Omukwetu aan̯i?”

Lukas 11:39

Muhona we mu heela ha tyaa: “N̯e Ovafarisai mu koha oneka nelonga kombanda, iya mokati mwe yula enyeko nouvi.

Lukas 18:11

“Iya Omufarisai wa kulama ontali, he lipelele, wa kumba ha tyaa: ‘Kalunga, me ku pandula, mena lyokutya ame hí ngala ovantu vamo mbava nyeka, mbava punda, mbave hole ovihulo ne ngomuthendelethi hengu.

Lukas 18:14

Me mu heele okutya hengu wa tjuna koyawo, ae na ouvyuuki mbwaa pon̯a owOmufarisai. Iya auhe ngoka ngume linenepeke, ma nunupikwa, nangoka ngume linunupike, ma nenepekwa.”

Lukas 18:21

Omulumentu we mu yaka ha tyaa: “Ovipuka avihe hembi mbe vi takametha okudha koudhantu wandje.”

Lukas 18:9

Iya eeli hendi Jesus we li hipululila wo ovantu vamo mbava tomba ovakwawo, wo mbave liun̯ika ovene okutya ovavyuuki.

Lukas 20:20

Ve mu vandela, hava tumu ko ovatjungili, mbave lininga ovavyuuki, opo ve mu tele mondhondaka dhe, wo ve tjiiwe oku mu yandja modhonkono nometumino lyomutumini.

Lukas 20:47

Va nyeka ovahepe odhonganda dhawo, wo hava ningi omaalikano omale okulimoneketha vala. Ovantu mbave li nyahoka mava ka pewa onkali onene.”

Johannes 2:25

Ye kaa li ama hepa ngume mu hipululile ouhunga nomuntu, mena lyokutya ye omwene u tji i soka hitji li momuntu.

Johannes 21:17

Jesus we mu heela otjikando otjityatatu ha tyaa: “Simon yaJohannes, u ntjole?” Petrus wa nkinduka momwenyo, Jesus hiee mu pula otjikando otjityatatu ha tyaa: “U ntjole?” Ye we mu yaka ha tyaa: “Muhona, u i ovipuka avihe, u ndji i okutya ndji ku hole.” Jesus we mu heela ha tyaa: “Tekula odhondhu dhandje.

Ovilinga 1:18

(Odhombongo ndhoka Judas ndhaa pewa hiaa undapa ovilinga ovivi, we dhi landa otjana, motjana moka omo a wila, he thikile po edhimo, ovipuka avihe vyomedhimo lye havi tipuka mo.

Ovilinga 1:24

Okudha mpoka va kumba hava tyaa: “Muhona, oove mo iwa omitima vyovantu avehe, tu yulikila oun̯i muhemba vavali nguwa holowola,

Ovilinga 15:8

Iya Kalunga, nguu iwa hitji li momutima womuntu, wa yulika okutya ovapaani we ve tambula, hiee ve pa Ombepo Ondhilikwa, ngant̯e wo hiee tu pa.

Ovaroma 3:20

Kape na tja omuntu noumo nguma ile omuvyuuki kotjipala tjaKalunga, hima hwithile po soka himatji pulwa koveta, mena lyokutya oveta i lile po okuheela omuntu okutya ye omulundhi.

Ovaroma 8:27

Iya Kalunga nguu thongonona omitima, omalipulo Ombepo u e i, mena lyokutya Ombepo i kumbila ovantu ovadhilikwa monkalo moka Kalunga ndjima hala.

1 Ovakorinto 4:5

Hámu koyo omuntu, tainkolo otembu háiye thika, katee Muhona me ya, nguma eta poluhandja oviholekwa vyet̯iku nokuhololola omalipulo aehe omomutima. Iya omuntu auhe ma ka pewa ompandu kuKalunga.

1 Petrus 3:4

Hámu ningi nyahoka, outhewe watjatjili wopambepo ndjii na ouwa mbwaa tutuvala, mbuhau anda, owo u na otjilinga otjinene kotjipala tjaKalunga.

1 Petrus 5:5

Nan̯e omitanda tyeen̯i kovanene. Amuhe linunupiken̯i, opo mu tjiiwe okulipopila. Omusonekwa mau tyaa: “Kalunga u yele ovalinomi, u t̯ila onkenda ovalinunupiki.”

Eholololo 2:23

nodhondele dhomukadhintu ngoka me ve dhipaa. Omaongalo aehe maa ka iwa okutya aame ndji thongonona omalipulo nomitima, auhe ndji mu pa hitji lithike povilinga vye.