Lukas 14:28 - Etestamende Epe Moludhimba

²⁸ “Andaa umo owomun̯e ma hala okutunga ondjuwo ndjaa ya pokatangaulu, olutenga kaa kala pohi, ha hava okutya mai pula hitji lithike pi, ye a tale andaa u na odhombongo ndhaa hulu oku i tunga katee mai pu?

Lukas 14:28 Iomraidhean Croise

Mateus 10:22

Mamu ka kala amu yelwe kovantu avehe mena lyandje. Iya ngume likambulithile katee pehulilo, ma ka hupithwa.

Mateus 8:20

Jesus we mu heela ha tyaa: “Odhombandje dhi na omalungi, novidhila vyokeulu vi na oviyuwo, iya Omuna wOmuntu ke na mpama thuvitha omutwe we.”

Lukas 14:27

Iya nguhama tjindi omutjaakano we, ye ahama ndandula, kaa ulu okukala omulongwa wandje.

Lukas 14:29

Mena lyokutya nda tungu ekulameno, ye ha anyenwa oku i mana, avehe mbave mu mona, mava utu oku mu yola

Lukas 14:33

Iya auhe owomun̯e nguhama yetha ovipuka vye avihe mbyee na vyo, kaa ulu okukala omulongwa wandje.

Ovilinga 21:13

Paulus we ve yaka ha tyaa: “Mamu ningi vi nyahoka, himamu lili, mamu yandja owoma komwenyo wandje? Ame mbe limana okupwa, haku ka kutwa vala moJerusalem, iya noku ka t̯a mena lyaMuhona Jesus.”