Lukas 14:24 - Etestamende Epe Moludhimba

²⁴ Me mu heele okutya kaku na tja omuntu noumo movalumentu hembenya mbava ithanenwe, nguma ka makela omalyaalyo motjipito tjandje.’ ”

Lukas 14:24 Iomraidhean Croise

Mateus 21:43

“Iya mena lyanyahi me mu heele okutya otjilongo tjaKalunga mamu tji nyekwa, hatji pewa ovantu mbava tyaa Kalunga.

Mateus 22:8

Iya ya heela ovapika vayo hai tyaa: ‘Otjipito tjolukupo tja pu okulongekedhwa, atjaa ovakongwa katji ve thevelelwe.

Lukas 14:23

Omuhona wa heela omupika we ha tyaa: ‘Enda kodhondjila nokomivanda, u ve tumin̯in̯e ve ye, onganda yandje opo i yule.

Lukas 14:25

Iya owingi wovantu wa enda pamo naJesus. Ye wa pilulukila kuwo ha tyaa:

Johannes 3:19

Ekoyo li li mpoka okutya otjiten̯i tje ya mouye, wo ovantu ve hole et̯iku okupon̯a otjiten̯i, mena lyokutya ovilinga vyawo ovivi.

Johannes 3:36

Nguma itavele mOmuna, u na omwenyo waapehe, iya nguhama itavele mOmuna, kaa mono omwenyo, iya oluyuma lwaKalunga malu kala kombanda ye.

Johannes 8:21

Jesus we ve heela uke ha tyaa: “Ame me i, n̯e mamu kala amamu ntaendha, iya mamu ka t̯ila modhonkali dhen̯i. Kompuka hoka hume i, kaamu ka ula okuya ko.”

Johannes 8:24

Iya otjo me mu heele okutya mamu ka t̯ila modhonkali dhen̯i. Iya andaa kaamu itavele okutya ‘Ame Aame,’ mamu ka t̯ila modhonkali dhen̯i.”

Ovilinga 13:46

Iya Paulus naBarnabas va popya nouvandhi hava tyaa: “Nt̯e olutenga tainkolo hátuya teethela ovantu vamo, on̯e twa thele okuteethela ondaka hendji yaKalunga. Iya n̯e kamu i tambulile. Hehi matji tya, n̯e mwe limona okutya kamu thevelwe okuya momwenyo waapehe. Iya nt̯e napano matu ka teethela ovapaani.