Lukas 14:21 - Etestamende Epe Moludhimba

²¹ “Omupika wa tjuna, ha ka hipululila omuhona we ovipuka hembi avihe. Iya omwene wonganda wa yumana, ha heele omupika we ha tyaa: ‘Kanyauka, enda komivanda nokodhondjila dhomondolopa, ka ete ovathona novilema novapot̯i novingolomena.’

Lukas 14:21 Iomraidhean Croise

Mateus 11:28

“Indjen̯i kwaame amuhe mbamwe ulwa nambamwa tjinda omitenge mbyaa lema. Ame me mu thuvitha.

Mateus 11:5

ovapot̯i va twikuluka, ovilema mavi ende, owovilundu va veluka, odhompolo dha thituluka, ovat̯e mava imunwa kout̯e, ovathona mava teethelwa ondaka ombwa.

Mateus 15:12

Ovalongwa ve ya kuJesus, hava tyaa: “U tji i okutya Ovafarisai hiva tee odhondaka ndhoka, va ningi omitima omivi?”

Mateus 18:31

Iya ovapika ovakwawo hiva mono soka hitja ningwa, va li ave yuvite navi unene. Va ka hipululila omuhona wawo ovipuka avihe mbyaa undapwa.

Mateus 20:7

Ve mu yaka hava tyaa: ‘Kape na ngwee tu kongo.’ Ye we ve heela ha tyaa: ‘Nan̯e wo enden̯i kotjuundo tjandje tjomivinyu.’

Lukas 14:13

Iya andaa u na otjipito tjomalyaalyo, konga ovathona novilema novapot̯i.

Lukas 14:20

Nomukwawo uke we mu heela ha tyaa: ‘Ame opo mba kupu, híme ulu okuya.’

Lukas 14:22

Omupika we mu yaka ha tyaa: ‘Muhona, mba ningi ngahi wa ntjeele, iya atjaa nanapano pe na oluvedhe.’

Lukas 14:24

Me mu heele okutya kaku na tja omuntu noumo movalumentu hembenya mbava ithanenwe, nguma ka makela omalyaalyo motjipito tjandje.’ ”

Lukas 24:47

Iya eliteyululo neithepo lyodhonkali ngali teethelwe ovantu avehe mena lye, okuuta moJerusalem.

Lukas 9:10

Ovayapostoli hiva tjuna, va hipululila Jesus ovipuka mbyoka avihe mbiva ninga. Wa ya nawo, have ke likalela kondolopa ndjii tiwa oBetsaida.

Johannes 9:39

Jesus we mu heela ha tyaa: “Ame mbe ya mouye hembu mena lyekoyo, mboka mbahave ku mono, ve ku mone, mbave ku mona, va twike.”

Ovaheberi 13:17

Tyeen̯i kovaviyuli ven̯i, n̯e mu landule himava popi. Va t̯ila omienyo vyen̯i otjiho, kava thuva, mena lyokutya mave ke vi pulwa kuKalunga. Andaa mamu ve tee, wo mava undapa nawa ovilinga vyawo, iya andaa kaamu ve tee, mava undapa noluyuma okutya nyahoka katji na himatji mu popile.

Ovaheberi 2:3

Iya nt̯e matu inkolo vi, andaa nan̯i katu na ko natja nehupitho enene ndii lithike hempa? Ehupitho hendi olutenga twe li heelwa kuMuhona, okudha mpoka hali kolekwa kumbave lityaa muye, have tu heele okutya otjatjili.

Jakob 2:5

Vakwetu ovahivilikwa, teelelen̯i! Kalunga ka holowolele nan̯i mbava talwa mouye okutya ovathona, va ile ovahona meitavelo nodhompinga dhotjilongo tjaKalunga hitja udhikilwa mboka mbave mu hole?

Eholololo 19:15

Motjinyo tje mwa dha omukonda mbwaa twa, owo ma tono nawo oviwan̯a. Iya ye me ke vi litha nonkunye yotjivela. Iya ma kolele motjikolelo ovinyu vyoluyuma olunene lwaKalunga Omutuminiwaavihe.

Eholololo 22:17

Ombepo nomukupwa mava tyaa: “Indjo!” Ngume tji tee, nga tyee: “Indjo!” Ngwaa t̯i onyota, nge ye. Nguma hala, nga tambule omeva omanamwenyo otjali.