Lukas 14:13 - Etestamende Epe Moludhimba

¹³ Iya andaa u na otjipito tjomalyaalyo, konga ovathona novilema novapot̯i.

Lukas 14:13 Iomraidhean Croise

Mateus 15:30

Engundwa enene lyovantu lye ya kuye, hali mu etele ovingolomena novilema novapot̯i nodhompolo novakwawo ovengi, have ve laleke po podhompadhi dhe, ye he ve velula.

Mateus 22:10

Ovapika mboka va ya kodhondjila, hava ongo omuntu auhe nguva mono, omuwa nomuvi. Iya otjipito tjolukupo tje yulile ovayenda.

Lukas 11:41

Iya yandjen̯i mbyoka mbivi li movimbundu vyen̯i otjali kovathona, iya avihe mavi kala avye mu kohokele.

Lukas 14:12

Iya Jesus wa heela wo ngoka ngwee mu konga ha tyaa: “Andaa mo hala okukonga ovantu komalyaalyo, hó kongo omapanga oye ne ovakuloye ne ovanitjoye ne oven̯i ne ovalaanganda woye ovahona, opo háve ku kongo wo, wo ve ku thute nyahoka.

Lukas 14:14

Iya mo ningi omunalao, mena lyokutya mboka kave na himave ku thutu. Mo ka thutwa kuKalunga meimuko lyovavyuuki.”

Lukas 14:21

“Omupika wa tjuna, ha ka hipululila omuhona we ovipuka hembi avihe. Iya omwene wonganda wa yumana, ha heele omupika we ha tyaa: ‘Kanyauka, enda komivanda nokodhondjila dhomondolopa, ka ete ovathona novilema novapot̯i novingolomena.’

Ovilinga 9:39

Petrus wa kulama, ha i nawo. Iya hiee thiki moJoppe, ve mu twala mondjuwo ndjoka yopeulu. Iya ovahepe avehe va li amava lili, hava kondoloka Petrus, have mu yulikile omasanya novikutu mbyoka Tabita mbyaa pampa, tainkolo hiaa li nomwenyo.

1 Timoteus 3:2

Omuviyuli weongalo ka tha okukala nombedhi, u tha okukala nomukadhintu umo, nguu liyunga nawa, onkengela, nguu na onkalo ombwa, nguu yakula ovayenda, nguma ulu okulonga ovantu,

1 Timoteus 5:10

nguu hipululwa okutya wa undapa ovilinga oviwa, ngwaa tekula ovana, ye ha yakula ovayenda, ha koho odhompadhi dhovantu ovadhilikwa, ngwaa popila ovathona, ye ha kambulitha okuundapa otjilinga atjihe otjiwa.

Titus 1:8

Iya u tha okukala omuyakuli wovayenda, nguu undapa ouwa, nguu likambula nawa, omuvyuuki, omudhilikwa nomuliyungi.

Filemon 1:7

Mukwetu, ohole yoye ya mpa ehuluko enene, yo ya mpa wo ouvandhi, mena lyokutya omitima vyovantu ovadhilikwa vya tendelekwa kwoove.

Ovaheberi 13:2

Hámu dhimbi okuyakula odhongendi. Pe na vamo mbava ningile nyahoka, hava yakula ovaengeli, wo ahave tji i.