Lukas 13:11 - Etestamende Epe Moludhimba

¹¹ Iya mwa li omukadhintu ngwaa li nombepo ombi ndjaa kala muye odhombula omulongo nepandutatu, nguu enda ama wowola, ke tjiiwa okuvyuukilila.

Lukas 13:11 Iomraidhean Croise

Mateus 4:23

Jesus wa endaenda moGalilea atjihe, ha longo ovantu modhosinagoga dhawo, ha teetha ondaka ombwa yotjilongo tjaKalunga, ha velula omitjithi avihe nomauvela aehe mokati kovantu.

Markus 9:21

Ye wa pula ihe ha tyaa: “Otjipuka hehi tje mu uta nalun̯i?” Ye we mu heela ha tyaa: “Okudha koulele we.

Lukas 13:12

Jesus hiee mu mono, we mu ithana, he mu heele ha tyaa: “Ove, wa yowoka kouvela woye.”

Lukas 13:16

Omukadhintu hengu ontekulona yaAbraham ngwaa tuwa modhonkuto odhombula omulongo nepandutatu kuSatana, nan̯i ka ulu okukutululwa metango lyEsabati?”

Lukas 21:28

Iya hembi himavi ka uta okuningwa talen̯i peulu, mu yele omitwe vyen̯i, mena lyokutya ehupitho lyen̯i lya hweene popedhi.”

Lukas 8:2

novakadhintu wo vamo mboka mbava vadhwa ava velulwa odhombepo odhombi nomauvela ngahi tji li: Maria nguu tiwa oMagdalena, muye mumwa ithilwe odhondemoni epanduvali,

Lukas 8:27

Jesus hiaa dhi mo mowato, omulumentu umo womondolopa ndjoka ngwaa li nodhondemoni wa wanena naye. Wa vadhwa aa ninga oluvedhe olule aha dhala omidhalo, ye ka kala monganda, u kala modhombila dhomaleva.

Lukas 8:43

Iya kwa li omukadhintu ngwaa velele olulala odhombula omulongo nambali. Ovipuka vye avihe mbyaa li navyo wa manena movimbanda, atjaa kakwa li ngoka ngwaa li ama ulu oku mu velula.

Ovilinga 3:2

Omulumentu umo ngwaa yumukwa otjilema, etango alihe u tjindwa, ha etwa pomuvelo wotempeli, mboka mbuu tiwa Omuvelomuwa, mpaa kumbila odhombongo kovantu mbamava hiti motempeli.

Ovilinga 4:22

Omulumentu ngoka ngwaa ningilwa otjilingatangan̯eko, wa li nodhombula ndhaa pon̯a pomilongo vine.