Lukas 12:5 - Etestamende Epe Moludhimba

⁵ Iya me mu yulikile ngoka ngumu tha okutila. Tilen̯i Kalunga, nguu na odhonkono okudhipaa nokuyundulila moheli. Iinga, otjo me mu heele okutya Kalunga hengu ngaye mu tila.

Lukas 12:5 Iomraidhean Croise

Mateus 10:28

Hámu tila mboka mbamava dhipaa olutu, wo hámava ulu okudhipaa omwenyo. Iya tilen̯i nguma ulu okuhan̯aunina moheli avyeevali, omwenyo nolutu.

Mateus 25:41

“Iya mai heele wo mboka owokokumbinda kwayo hai tyaa: ‘Dhen̯i po pwaame, n̯e ovathingwa, enden̯i momulilo waapehe mbwaa undapelwa omudiapoli novaengeli ve.

Mateus 25:46

Iya mboka mava i moluyuma lwaapehe, ovavyuuki mava i momwenyo waapehe.”

Mateus 5:22

Iya ame me mu heele okutya omuntu auhe nguma yumaneke omukwawo, we liundapele okukoywa. Nanguma heele omukwawo ha tyaa: ‘Tjintu ove,’ we liundapele oluyuma lwOtjoongi tjOvanene. Nanguma tyaa: ‘Tjilai ove,’ we liundapele omulilo woheli.

Markus 13:23

Iya lungamen̯i, ovipuka hembi avihe mba tenge oku mu heela vyo.

1 Ovatessalonika 4:6

Motjipuka hehi hápa kala nguma kengelele ne nguma ningi navi omukwawo. Hehi otjo twe mu heela hatu mu ilikin̯a tjo ae unene okutya Muhona oye e li omuyumaneki wovantu avehe hemba.

Ovaheberi 10:31

Tjitilitha okuwila momawoko aKalunga omunamwenyo.

2 Petrus 2:4

Iya Kalunga ka yethele ovaengeli mboka mbava lundha, we ve yumaneka, he ve yumbu menkomototo ava kutwa nomalyenge, va takamethwe katee ketango lyekoyo.

Eholololo 14:7

Wa popya nondaka onene ha tyaa: “Tilen̯i Kalunga, n̯e mu mu pe etumbalo, mena lyokutya owola yekoyo lye ye ya. Tumbaleken̯i ngwaa uta ohi neulu nelunga nodhothimo dhomeva.”

Eholololo 15:4

Aan̯i nguhame ku tila, Muhona? Aan̯i nguhama tumbaleke ena lyoye? Iya mena lyokutya oove u li vala aika Omudhilikwa, oviwan̯a avihe mavi ya kotjipala tjoye, havi ku tumbaleke, mena lyokutya ovilinga vyoye vyouvyuuki vye ya poluhandja.”

Eholololo 20:14

Iya et̯o notjovat̯e vya yumbwa melunga lyomulilo. Elunga lyomulilo hendi olyo li li et̯o etyavali.