Lukas 12:37 - Etestamende Epe Moludhimba

³⁷ Ovanalao ovapika mboka mbava vadhwa komuhona wawo ava pathumuka. Me mu heele otjatjili okutya ye me lilongekedha, he ve twiile po ovikulya.

Lukas 12:37 Iomraidhean Croise

Mateus 24:42

“Iya pathumuken̯i, mena lyokutya kamu tji i okutya Muhona wen̯i me ya etango patji.

Lukas 12:36

N̯e mu ngale ovantu mboka mbamava kevelele omuhona wawo ama dhi kotjipito tjolukupo, opo ve mu yelule dhiva, hima popitha monganda.

Lukas 12:43

Omupika omunalao onguma vadhwa ama undapa hinyahi, omuhona we hime ya.

Lukas 17:8

Aai, iya mo mu heele ho tyaa: ‘Ngotji ntwiile po ovikulya, ove u dhale nawa, u nkalele, tainkolo ame li otjo me nu, tjau atjaa ove kon̯ima u lye, ove u nwe.’

Lukas 21:36

Iya apehe kalen̯i amwa pathumuka n̯e mu kumbe, opo mu mona odhonkono okuyepa ovipuka mbyoka avihe mbimavi ka ningwa, nokukulama ontali kotjipala tjOmuna wOmuntu.”

Lukas 22:27

Aan̯i ngwaa pon̯a omukwawo, ongwaa kala pohi ne onguma undapa? Haye ngoka ngwaa kala pohi? Iya ame ndji li mokati ken̯i ngomuundapi.

Johannes 12:26

Kwalukele ngoka nguma ndjundapele, nga ndandule, ame hundji li, omuntu wandje oko ma ka kala wo. Tate ma ka tumbaleka kwalukele ngoka nguma ndjundapele.

1 Ovakorinto 2:9

Iya ngahi kwa sonekwa okutyaa: “Otjipuka hihatji monekele, nahihatji teekele, nahihatji dhile momutima womuntu, Kalunga otjo a longekedhela mbave mu hole.”

Ovafilippi 1:21

Iya omwenyo wandje oKristus, okut̯a okunganyana.

Ovafilippi 1:23

Me n̯in̯ikidhwa kuvali, me hala okudha po ndji kale puKristus, mena lyokutya otjo matji nt̯evelwa unene.

2 Petrus 1:11

Iya nyahoka mamu ka pewa oluvedhe oluwa ndwaa hulu okuya motjilongo tjaapehe tjaMuhona wetu, Omuhupithi, Jesus Kristus.

2 Petrus 3:14

Vakwetu ovahivilikwa, tainkolo mamu kevelele etango ndyoka, kondjen̯i mu kale amwa kohoka, ahamu na tja ombedhi, mu kale naye nouwa.

Eholololo 14:13

Mba tyaa ondaka ndjaa dha meulu, hai tyaa: “Soneka otjipuka hehi okutya ovanalao ovat̯e mbava t̯ila muMuhona okudha ndino katee apehe!” Ombepo mai popi hai tyaa: “Iinga otjatjili, mava ka thuva koudheu wovilinga vyawo, mena lyokutya ovilinga vyawo mavi ve landula.”

Eholololo 16:15

“Taa tuutuu, ame me ya ngotjimpulu, omunalao onguma pathumuka, ha takametha omidhalo vye, opo há ende nyahinya, ye a t̯e ohon̯i movipathi vyovantu avehe.”

Eholololo 3:21

Nguma ton̯a, me mu kaleke pamo naame kotjipunditumino tjandje, ngahi mba ton̯a, ndji li pamo naTate kotjipunditumino tje.

Eholololo 7:17

Iya Ondjona ndjii li mokati kotjipunditumino mai ve litha, hai ve twala kodhothimo dhomeva omanamwenyo. Iya Kalunga ma theta po omihodhi avihe pomeho awo.”