Lukas 12:32 - Etestamende Epe Moludhimba

³² “Hámu tila, mukangundwa okanunu, mena lyokutya Iho wa mona okutya tji li nawa oku mu pa otjilongo.

Lukas 12:32 Iomraidhean Croise

Mateus 14:27

Iya Jesus we ve popitha dhivadhiva ha tyaa: “Koleken̯i, hámu tila, aame!”

Mateus 20:16

“Iya owokon̯ima mava ka kala komeho, nowokomeho mava ka kala owokon̯ima, mena lyokutya ovaithanwa ovengi, ovaholowolwa ovanunu.”

Mateus 25:34

Iya ohamba mai heele owokokulyo kwe hai tyaa: ‘N̯e ovapewa velao vaTate, indjen̯i mu ka pingane otjilongo tjaKalunga himwa longekedhelwa okudha keuto lyouye.

Mateus 7:15

“Lungamenen̯i ovaprofeti wovithithi, mboka mbave ya kun̯e movipa vyodhondhu, iya nan̯i mokati omaungu ngaa tunda.

Lukas 10:21

Potembu ndjoka Jesus we hulukithwa unene kOmbepo Ondhilikwa ha tyaa: “Taa, Muhona weulu nowohi, me ku hivilike, mena lyokutya ovipuka hembi we vi holeka ovanongo novanadhondunge, ho vi holololele mboka mbava ngala odhondele. Iinga, Taa, hehi otjo tje ku thevelwa.

Johannes 18:36

Jesus wa yaka ha tyaa: “Ouhamba wandje hawomouye hembu. Ngaile ouhamba wandje wa li owomouye hembu, ngai ovantu vandje va nkondjele, ahame yandjwa momawoko Ovajuda. Iya ouhamba wandje hawahempa.”

Ovilinga 20:28

Iya litakamethen̯i n̯e ovene mu takamethe otjuunda soka himwa pewa kOmbepo Ondhilikwa oku tji takametha. Kalen̯i ovat̯ita veongalo lyaKalunga, ndyoka ndyee limonena mena lyombindhi yOmuna.

Ovilinga 20:29

Iya ame ndji tji i okutya andaa mba dhi po, omaungu omavi ngahae na onkenda mae ke ya mokati ken̯i oku mu kambula.

Ovaroma 6:23

Ondjambi youlundhi et̯o, iya otjali tjaKalunga omwenyo waapehe muKristus Jesus, Muhona wetu.

1 Ovakorinto 1:21

Iya ounongo waKalunga kau itavelele, ouye u iwe Kalunga kounongo wawo. Kalunga wa tokola okuhupitha mbava itavela hiaa undapetha eteetho lyetu ndii tiwa owoova.

Ovafilippi 2:13

Iya Kalunga oye a undapa mun̯e okutya mu hale n̯e mu undape ngahi ma hala.

2 Ovatessalonika 1:11

Iya otjo tu mu kumbila apehe, Kalunga ketu, e mu tale okutya mwe thevelwa okwiithanwa, ye a hwithile po ehalo lyen̯i alihe nodhonkono, mu kale nehalo ewa motjilinga tjeitavelo.

2 Ovatessalonika 1:5

Hehi matji yulike okutya ekoyo lyaKalunga lya vyuuka, iya n̯e mamu thevelwa otjilongo tjaKalunga ngahi mamu tji tatethelwa wo.

Ovaheberi 12:28

Ngatu pandule, himatu pewa otjilongo hihatji teketa. Ngatu pandule nt̯e tu undapele Kalunga nonkalo ndjimai mu thevelwa, atu na etumbaleko nontilo.

Jakob 2:5

Vakwetu ovahivilikwa, teelelen̯i! Kalunga ka holowolele nan̯i mbava talwa mouye okutya ovathona, va ile ovahona meitavelo nodhompinga dhotjilongo tjaKalunga hitja udhikilwa mboka mbave mu hole?

2 Petrus 1:11

Iya nyahoka mamu ka pewa oluvedhe oluwa ndwaa hulu okuya motjilongo tjaapehe tjaMuhona wetu, Omuhupithi, Jesus Kristus.

Eholololo 1:6

we tu ninga ombala yovayambethi, tu undapele Kalunga Ihe, nga tumbalekwe, ye nga tumine apehe katee apehe. Amen.

Eholololo 22:5

Kaaku ka kala out̯iku, ovantu vaKalunga kaava ka hepa uke otjiten̯i tjolamba ne otjiten̯i tjetango, mena lyokutya Muhona Kalunga oye e li otjiten̯i tjawo. Iya mava ka tumina ngodhohamba apehe katee apehe.