Lukas 11:4 - Etestamende Epe Moludhimba

⁴ Tu ithila po odhonkali dhetu, ngahi matu ithile po mbava lundha kunt̯e. Hó tu twala momatyoletho.’ ”

Lukas 11:4 Iomraidhean Croise

Mateus 18:35

“Iya Tate owomeulu otjo me mu ningi wo nyahoka andaa kaamu ithile po ovakwen̯i nomitima vyen̯i.”

Mateus 26:41

Pathumuken̯i, mu kumbe, hámu pwile momatyoletho. Ombepo yomuntu mai hala, iya olutu olunkundi.”

Lukas 11:5

Jesus we ve heela ha tyaa: “Aan̯i mun̯e nguu na epanga lye ngume ya koye mokati kovit̯iku, ha tyaa: ‘Epanga lyandje, mpandje wo omingome vitatu, mena lyokutya ndji na

Lukas 13:4

Mamu tya pamo omulongo nepandutatu mbenya mbava t̯a, hiva wilwa kondjuwo ndjaa ya pokatangaulu moSiloa, va li ovalundhi okupon̯a ovantu avehe mbava kala moJerusalem?

Lukas 22:46

Jesus we ve pula ha tyaa: “Mwa lalele tji? Imuken̯i po, n̯e mu kumbe, opo hámu pwile momatyoletho.”

Lukas 8:13

Ndhoka ndhaa wila pontantalahi, dhi ngala ovantu mboka mbamava tee odhondaka dhaKalunga, have dhi tambula nehuluko, atjaa wo ahamadhi ve hiti, mava itavele vala pokaluvedhe, iya moluvedhe lwomatyoletho mave dhi yetha.

Johannes 17:15

Ame híme kumbu, okutya u ve ithe mo mouye, iya me kumbu u ve amene kouvi.

1 Ovakorinto 10:13

Omatyoletho ngamae mu vadha, koneken̯i okutya otjo a vadha wo ovantu avehe. Kalunga u tji i okuliun̯ikwa, kee mu yetha mu lolwe komatyoletho ngaa pon̯a odhonkono dhen̯i. Iya amwa lolwa, ye me mu pa odhonkono dhokudha mo, opo mu tjiiwa okulikambulithila.

Ovakolossa 3:13

Likambulithilen̯i, andaa mwe liningi navi, liithilen̯i po. Muhona ngahi a itha po wo odhonkali dhen̯i, nan̯e wo ngatjo mu ithila po ovakwen̯i.

2 Ovatessalonika 3:3

Muhona omuliun̯ikwa me mu pameke, ye me mu amene kouvi.

2 Timoteus 4:18

Muhona ma ka ntjupitha kotjilinga atjihe otjivi, ma ntwala amba amenwa nawa motjilongo tje tjomeulu. Muhona nga tumbalekwe apehe katee apehe. Amen.

Jakob 2:13

Mbahave na onkenda novakwawo kaava ka t̯ilwa onkenda, iya mbave na onkenda mava ka ton̯a ekoyo.

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.

Eholololo 3:10

Mena lyokutya wa takametha odhondaka dhandje nelikambulithilo, ame naame me ku kambula nawa owola yomaudheu ndjimai ya kombanda yohi okulola owokombandayohi.