Lukas 11:36 - Etestamende Epe Moludhimba

³⁶ Iya olutu lwoye aluhe andaa lwe yula otjiten̯i, ahamu na tja olumbembela lumo nduu li met̯iku, lwa ninga otjiten̯i ngangumo tungatelwa kotjiten̯i tjolamba.”

Lukas 11:36 Iomraidhean Croise

Mateus 13:52

Iya we ve heela ha tyaa: “Iya omulongiveta auhe ngwaa ila omulongwa wotjilongo tjeulu, u ngala omwene wonganda nguu itha ovipe novikulu melimba lye lyokuungula.”

Mateus 5:15

Olamba kai ten̯wa, yo hai tuwa kohi yotjihayo, iya i tulikwa kotjituliko, yo hai tungatele ovantu avehe mbave li monganda.

Lukas 11:35

Iya lungama, otjiten̯i hitji li mwoove ahamatji ningi et̯iku.

Lukas 11:37

Tainkolo Jesus ama popi, Omufarisai umo we mu ithana va lye pamo naye. Jesus wa ya mo, ha kala pohi pokulya.

2 Ovakorinto 4:6

Iya Kalunga ngwaa popya ha tyaa: “Met̯iku ngamu dhe otjiten̯i tji tungatele,” oye e li ye ngwaa tungatela momitima vyetu, opo tu iwe elaimo lye, elaimo ndimali laimine motjipala tjaKristus.

Ovaefeso 4:14

Iya kaatu ngala uke odhondele mbava tjindwa kodhombepo kwalukele dhomalongo nodhomatutu ovantu okulilungametha novineya vyokukemba.

Ovakolossa 3:16

Ondaka yaKristus nouhona wayo ngai yule mun̯e. Lilongen̯i, mu lipukulule nodhondunge adhihe, imben̯i omapisalomi, omaimbilo, oviimbo vyopambepo. Imbilen̯i Kalunga nompandu momitima vyen̯i.

Ovaheberi 5:14

Ovikulya vyokutat̯inwa ovyovanene, mboka mbave lilonga nambave ilila okupungulula ouwa nouvi.

Jakob 1:25

Iya ngume lilongo moveta ndjaa hwila po, oveta ndjimai kutulula ovantu modhonkali nomet̯o, ye he i kambulitha, ye ahama kala omuteeleli vala nguu dhimba, iya ongume i kambulitha, ma kala omunalao movilinga vye.

2 Petrus 3:18

Kalen̯i amamu kulu met̯ilonkenda lyaKalunga, mu iwe Muhona wetu, Omuhupithi Jesus Kristus. Ye nga tumbalekwe ndino katee apehe. Amen.