Lukas 10:20 - Etestamende Epe Moludhimba

²⁰ Iya hámu hulukilwa odhombepo himadhi mu tee, iya hulukilwen̯i mena lyokutya omana en̯i a sonekwa membo lyomeulu.”

Lukas 10:20 Iomraidhean Croise

Mateus 10:1

Jesus wa ithana ovalongwa ve omulongo navavali, he ve pa odhonkono okuta mo odhombepo odhombi, nokuvelula omutjithi auhe nouvela auhe.

Mateus 26:24

Iinga, Omuna wOmuntu ma i, ngahi tja sonekwa ouhunga naye, atjaa utatyei omuntu ngoka nguma ka weleleka Omuna wOmuntu! Omuntu ngoka ngaile ka yumukilwe, ngai hahe.”

Mateus 27:5

Judas wa yekelahi odhombongo dhotjisilveri motempeli, ha dhi mo, he ke likuta.

Ovafilippi 4:3

Iinga, naove wo omupopili wandje watjatjili, me ku pula, u popile ovakadhintu hemba, mena lyokutya va kondjela ondaka ombwa pamo naame, wo va undapa pamo naKlemens novapopili vakwetu mboka mbave na omana awo membo lyomwenyo.

Ovaheberi 12:23

N̯e mwe ya kotjipito tjehuluko nokeongalo lyoviveli vyaKalunga, mboka mbave na omana ngaa sonekwa membo lyomeulu. Mwe ya kuKalunga nguu koya ovantu avehe, nokodhombepo dhovavyuuki mboka mbava hwila po okupwa.

Eholololo 13:8

Ovantu avehe mbava kala kombanda yohi, mave ke tji tumbaleka, avehe mboka mbahava sonekelwe omana awo membo lyomwenyo lyOndjona ndjaa dhipawa, okudha keuto lyouye.

Eholololo 17:8

Otjithitu soka hiwa mono oko tja li, napano katji ko, iya tji li pokwiinduka menkomototo, atjaa matji ka han̯aunwa po. Mbava kala kombanda yohi, mbahava sonekelwe omana awo membo lyomwenyo okudha keuto lyouye, mave ke kumwa himava ka mona otjithitu okutya oko tja li, napano katji ko, iya matji ke ya.

Eholololo 20:12

Mba mona ovat̯e ovanene novanunu mbava kulama kotjipala tjotjipunditumino. Iya omambo a li aa t̯imunwa. Embo ekwawo ndyoka ndyaa li embo lyomwenyo lya li alya t̯imunwa. Ovat̯e va koyelwa ovipuka ngahi vya sonekwa momambo novilinga vyawo.

Eholololo 20:15

Iya nguha monekele aa sonekwa membo lyomwenyo, wa yumbwa melunga lyomulilo.

Eholololo 21:27

Iya soka hitja sila kaatji hiti mo nokanunu. Auhe nguu undapa ovilinga mbii toyetha kaa hiti mo ne nguu popya ovithithi. Mamu hiti vala mbava sonekwa membo lyomwenyo lyOndjona.

Eholololo 3:5

Nguma ton̯a, ma ka dhalekwa hinyahi omudhalo omupembadhi, nena lye híme li dhimi mo membo lyomwenyo, iya ena lye me li hipulula kotjipala tjaTate nomovipathi vyovaengeli ve.