Lukas 1:6 - Etestamende Epe Moludhimba

⁶ Wo aveevali va li ov avyuuki kotjipala tjaKalunga, kava li ave na otjipo mokweenda movitumino avihe nomomaheelo aMuhona.

Lukas 1:6 Iomraidhean Croise

Lukas 1:7

Iya wo va li ahave na ondele, mena lyokutya Elisabet wa li ompange, wo aveevali va li ava kulupa.

Lukas 16:15

Iya Jesus we ve heela ha tyaa: “N̯e mu lininga ovavyuuki movipathi vyovantu, iya Kalunga ma iwa omitima vyen̯i. Ovantu ovipuka mbiva tya, vya tumbala, kuKalunga ovipo.

Lukas 2:25

Iya moJerusalem mwa li omuntu nguu tiwa oSimeon, wa li omuvyuuki nomutilikalunga, ngoka ngwaa kevelela ehupitho lyaIsrael. Ombepo Ondhilikwa ya li muye.

Ovilinga 2:25

Iya David we mu popya ha tyaa: ‘Ame ndji mona Muhona apehe ae li kotjipala tjandje. Ye u kala kokulyo kwandje, opo hé putala.

Ovilinga 23:1

Iya Paulus wa tongolola ovanene wOtjoongi ha tyaa: “Valumentu vakwetu! Ame momutima wandje kotjipala tjaKalunga katee ndino hendi kamu na tja okatodhi.”

Ovilinga 24:16

Iya ame apehe ndji kondja okutya ndji kale nelityoo lyokomwenyo ndyaa kohoka kotjipala tjovantu notjaKalunga.

Ovilinga 8:21

Koo ulu okuundapa pamo nant̯e, mena lyokutya omalipulo oye kotjipala tjaKalunga kaa vyuukile.

Ovaroma 8:4

opo ouvyuuki hembu mbumau pulwa koveta, u hwithilwe po munt̯e hemba mbahatu ende mountu, iya mbatu enda paMbepo.

1 Ovakorinto 11:2

Me mu pandula himu nt̯ipaluka movipuka avihe nahimwa kambulitha elongo lyandje, ngahi mbe mu longa.

2 Ovakorinto 1:12

Iya okulitanga kwetu hookohu okutya elityoo lyetu mali tu heele nawa okutya onkalamwenyo yetu mouye hembu twa kala moudhilikwa nomoukohoki waKalunga, unene tuu onkalo pokati ketu nan̯e, katu viyulilwe kounongo wonkalo yountu, iya okodhonkono dhet̯ilonkenda lyaKalunga.

Ovafilippi 2:15

opo mu kale odhondele dhaKalunga ovakohoki mbahamu na tja otjipo mokati kekula ndyaa uvala ndihali tee. Laiminen̯i mokati kawo ngodhonyothi mouye,

Ovakolossa 1:22

Iya napano Kalunga we mu tjun̯a puye okupitila met̯o lyOmuna, opo e mu ninge ovadhilikwa, mbamwa kohoka, mbahamu na ombedhi kotjipala tje,

1 Ovatessalonika 3:13

Muhona nga koleke omitima vyen̯i, opo hámu kala nombedhi, iya mu kale ovadhilikwa kotjipala tjaKalunga Tate, Muhona wetu Jesus hime ya pamo novadhilikwa ve avehe.

2 Petrus 3:14

Vakwetu ovahivilikwa, tainkolo mamu kevelele etango ndyoka, kondjen̯i mu kale amwa kohoka, ahamu na tja ombedhi, mu kale naye nouwa.

1 Johannes 2:29

Andaa mu tji i okutya Kristus omuvyuuki, mu tji i wo okutya auhe ngoka nguma undapa hitja vyuuka, wa yumukwa muKalunga.

1 Johannes 2:3

Iya andaa matu takametha ovitumino vyaKalunga, okutya nyahoka tu tji i okutya tu mu i.

1 Johannes 3:7

Vanwandje, hámu pukithwa komuntu noumo. Nguma undapa ouvyuuki omuvyuuki, ngaKristus hiee li omuvyuuki.