Lukas 1:35 - Etestamende Epe Moludhimba

³⁵ Omweengeli we mu yaka ha tyaa: “Ombepo Ondhilikwa mai ku wilile, nodhonkono dhahengu Owokombandambanda madhi ku tjikile, iya mena lyanyahoka omuyumukwa ngu omudhilikwa ma ka ithanwa OmunwaKalunga.

Lukas 1:35 Iomraidhean Croise

Mateus 1:18

Okuyumukwa kwaJesus Kristus kwa li hinyahi: Maria, ina yaJesus, wa nepelwe olukupo kuJosef, iya tainkolo háveya kala pamo, Maria wa moneka okutya omut̯imba wOmbepo Ondhilikwa.

Mateus 1:20

Iya Josef tainkolo wa li ama soko nyahi, omweengeli waMuhona we liholololela ye mondjodhi, ha tyaa: “Josef, ntekulona yaDavid, hó tila okweeta Maria a ile omukadhintu woye, mena lyokutya out̯imba hembu mbwee na wo owOmbepo Ondhilikwa.

Mateus 14:33

Ovantu mbava vadhwa mowato, ve mu tumbaleka hava tyaa: “Otjatjili ove uMunwaKalunga.”

Mateus 27:54

Omunene wovakwavita namboka mbava li amava yungu pamo naye, hiva mono eteketo lyohi novipuka avihe mbyaa ningwa po, va li ava tila unene, hava tyaa: “Omuntu hengu otjatjili wa li OmunwaKalunga.”

Mateus 4:3

Omutyolethi we ya kuye, he mu heele ha tyaa: “Andaa oove OmunwaKalunga, heela omawe henga, a tjituke omingome.”

Markus 1:1

Ondaka ombwa, ndjimai popi ouhunga naJesus Kristus, OmunwaKalunga.

Markus 1:24

ha tyaa: “Jesus Omunasareta, mo tu halele tji? We ya oku tu han̯auna? Ndji ku i, oove Omudhilikwa waKalunga.”

Lukas 1:27

Gabriel wa tumwa, a ende komuthukona wongendjo nguu tiwa oMaria, ngwaa nepelwe olukupo kuJosef, owomoluyumuko lwohamba David.

Lukas 1:34

Maria wa pula omweengeli ha tyaa: “Hehi matji ka ningwa vi, ame andji li omuthukona wongendjo?”

Lukas 1:36

Taa tuutuu, Elisabet owen̯i, ngoka nguu tiwa ompange, wa ila omut̯imba wokadhantu moukulupe we. Omwedhi hembu we omutyapandu,

Johannes 1:34

Ame mbe tji mona, otjo me mu hipululile okutya ye OmunwaKalunga.”

Johannes 1:49

Natanael we mu yaka ha tyaa: “Rabbi, oove OmunwaKalunga! Oove ohamba yaIsrael!”

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Ovilinga 8:36

Iya tainkolo va li amava ende mondjila, ve ya pompuka mpape na omeva. Osekulu ya heela Filippus hai tyaa: “Omeva hoonga! Otjitji himatji ntjaele okutjatjwa?”

Ovaroma 1:4

iya ye monkalo yOmbepo youdhilikwa, hiaa imunwa kout̯e, wa yulikwa kodhonkono odhonene okutya Jesus Kristus, Muhona wetu, oye e li OmunwaKalunga.

Ovagalati 2:20

opo hé kala uke andji na omwenyo mwaame omwene, iya Kristus oye a kale ae na omwenyo mwaame. Iya omwenyo mbundji na wo, me kala nawo meitavelo, okwiitavela mOmunwaKalunga nguu ntjole, ngwee liyandja poluvedhe lwandje.

Ovaefeso 2:3

Nant̯e wo lukulu atuhe twa endaenda navi mena lyolwiho lwomountu wetu. Twa undapa ehalo lyomountu nolyomodhondunge dhetu. Mountu twa li vala odhondele dholuyuma lwaKalunga ngovantu wo avehe.

Ovaheberi 4:15

Omuyambethi wetu omunene haye hengu, nguhe yuvitile oungone wetu onkenda, iya oye ngoka ngwaa lolwa movipuka avihe, atjaa ka lundhile.