Johannes 3:6 - Etestamende Epe Moludhimba

⁶ mena lyokutya hitja yumukwa momuntu, omuntu, nasoka hitja yumukwa mOmbepo, ombepo.

Johannes 3:6 Iomraidhean Croise

Johannes 1:13

Wo kava yumukilwe ngahi tji yumukwa ovantu, okutya tjo katja li mehalo lyomulumentu, iya va yumukwa muKalunga.

Johannes 3:7

Hó kumwa, himbe ku heele okutya mwa thele okuyumukululwa.

Ovaroma 7:18

Ndji tji i okutya mwaame, mountu wandje kamu na tja ouwa nokanunu. Ehalo lyokuundapa ouwa ndji na lyo, atjaa odhonkono dhoku tji ninga, hí na dho.

Ovaroma 7:25

Iya Kalunga nga tumbalekwe mena lyaJesus Kristus Muhona wetu! Iya ame omwene nehalo lyandje me hala okuundapela oveta yaKalunga, atjaa olutu lwandje lu undapela oveta youlundhi.

Ovaroma 7:5

Hitwa li monkalo yountu, oulundhi wa tukululwa koveta, wa kala amau undapa munt̯e. Onkalo ndjii li nyahoka mai twala met̯o.

Ovaroma 8:13

Iya ngamu kala monkalo yountu wen̯i, matji mu etele et̯o. Iya andaa mamu yetha ovilinga vyoulundhi, Ombepo hai mu yethetha vyo, okutya mamu kala nomwenyo.

1 Ovakorinto 6:17

Iya ngume litwaa muMuhona, mava ile umo pambepo.

2 Ovakorinto 5:17

Iya andaa pe na nguu li muKristus, wa ile omuutwa omupe, ovikulu vya i, taa tuutuu, ye wa ile omupe.

Ovagalati 5:24

Iya ovantu vaKristus Jesus va papela komutjaakano ovilinga vyawo avihe vyotjipando otjivi nehalo lyolutu.

Ovaefeso 2:3

Nant̯e wo lukulu atuhe twa endaenda navi mena lyolwiho lwomountu wetu. Twa undapa ehalo lyomountu nolyomodhondunge dhetu. Mountu twa li vala odhondele dholuyuma lwaKalunga ngovantu wo avehe.

Ovakolossa 2:11

Mwa pitithwa etanda muKristus, hatanda hendi ndii undapwa nomawoko, iya hoolyondi olyokulidhula olutu lwountu, olyo li li etanda lyomuKristus.

1 Johannes 3:9

Auhe ngoka ngwaa yumukwa muKalunga ka lundha, mena lyokutya ombuto yaKalunga i li muye. Iya kaa ulu okulundha, mena lyokutya wa yumukwa muKalunga.