Johannes 3:5 - Etestamende Epe Moludhimba

⁵ Jesus we mu yaka ha tyaa: “Ame me ku heele otjatjili okutya omuntu kaa ulu okuya motjilongo tjaKalunga, andaa ka yumukilwe momeva nomOmbepo,

Johannes 3:5 Iomraidhean Croise

Mateus 18:3

ha tyaa: “Ame me mu heele otjatjili okutya andaa kaamu liteyulula, hamu ngala oulele, kaamu ka ya motjilongo tjeulu.

Mateus 19:24

Me mu heele uke okutya ongamelu okupitila meyulu lyonguya otjipu okupon̯a omuhona okuya motjilongo tjaKalunga.”

Mateus 21:31

Oun̯i po puhemba vavali, ngwaa undapa ngahi tja li amatji hala ihe?” Ve mu yaka hava tyaa: “Owolutenga.” Jesus we ve heela ha tyaa: “Otjatjili me mu heele okutya ovathendelethi nomakunga mae ke mu tenga okuya motjilongo tjaKalunga.

Mateus 28:19

Iya enden̯i ka ningen̯i ovantu avehe ovalongwa vandje, mu ve tjatjele mena lyaIhe nolyOmuna nolyOmbepo Ondhilikwa,

Mateus 3:11

Ame me mu tjatja nomeva himwe liteyulula, iya ngume ya kon̯ima yandje omunene kwaame, ame híme tji ulu nangahi tji li oku mu tjindila odhongaku dhe, ye me ke mu tjatja nOmbepo Ondhilikwa nomulilo.

Mateus 5:20

Iya ame me mu heele okutya ouvyuuki wen̯i andaa kau pon̯ene owovalongiveta nowOvafarisai, kaamu i motjilongo tjeulu.

Markus 10:14

Iya Jesus hiee tji mono, wa yumana, ha tyaa: “Yethen̯i oulele u ye kwaame, hámu u tjaele, mena lyokutya otjilongo tjaKalunga otjovantu mbava ngala oulele hembu.

Markus 16:16

Nguma itavele, ha tjatjwa, ma hupithwa, iya nguhama itavele, ma ka koyelwa mekeko.

Markus 9:47

Iya eho lyoye andaa mali ku tyoletha, li dhoola mo. Okuya motjilongo tjaKalunga au na eho limo hahe, hatjo ngokukala nomeho avali, ove ho yumbwa moheli.

Lukas 13:24

“Kondjen̯i, mu pitile potjivelo hitja thin̯a. Iya me mu heele okutya ovengi mava ka lolokela okuhita mo, atjaa kaave ke tji ula.

Lukas 13:3

Aai mba tya, iya ndahamu liteyulula, nan̯e wo amuhe otjo mamu ka t̯a.

Lukas 13:5

Aai mba tya, iya ndahamu liteyulula, nan̯e wo amuhe otjo mamu ka t̯a.”

Johannes 1:13

Wo kava yumukilwe ngahi tji yumukwa ovantu, okutya tjo katja li mehalo lyomulumentu, iya va yumukwa muKalunga.

Johannes 3:3

Jesus we mu yaka ha tyaa: “Ame me ku heele otjatjili okutya omuntu andaa kaa yumukululwa, kaa ulu okumona otjilongo tjaKalunga.”

Johannes 3:4

Nikodemus we mu yaka ha tyaa: “Omuntu andaa omunene, ma ulu vi okuyumukululwa? Kaa ulu ngundhe okutjuna medhimo lyaina, a yumukwe olutyavali?”

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovaroma 14:17

Iya otjilongo tjaKalunga hákulya nokunwa, iya otjouvyuuki, ouwa nehuluko, hembi mavi dhi kOmbepo Ondhilikwa.

Ovaroma 8:2

mena lyokutya oveta yOmbepo yomwenyo muKristus Jesus ya nkutulula moveta youlundhi noyet̯o.

1 Ovakorinto 15:50

Vakwetu, me mu heele hinyahi okutya olutu nombindhi kaavi pingana otjilongo tjaKalunga, nahimatji anda, kaatji pingana hihamatji anda.

1 Ovakorinto 2:12

Nt̯e katu pelwe ombepo youye hembu, iya twa pewa Ombepo ndjaa dha kuKalunga, opo tu iwe ovipuka avihe Kalunga mbyee tu pa otjali.

1 Ovakorinto 6:11

Iya vamo owomun̯e otjo mwa li nyahoka. Iya n̯e mwa kohwa odhonkali, mwa ningwa ovadhilikwa vaKalunga, mwa vyuukithwa mena lyaMuhona wetu Jesus Kristus nomOmbepo yaKalunga ketu.

Ovagalati 6:15

Okupita etanda ne okukala hó pitile etanda katji na himatji tya. Hitji na otjilinga okwiila omuntu omupe.

Ovaefeso 5:26

opo e li ninge edhilikwa, e li kohe nomeva ngaa tuwa mumo nodhondaka dhaKalunga,

1 Petrus 1:2

Kalunga Ihe we ve holowola ae lukulu. Ombepo Ondhilikwa ye ve ninga ovantu ovadhilikwa, va tyee muJesus Kristus, wo va kohwa nombindhi yaKristus. Et̯ilonkenda nouwa owingi ngau kale nan̯e.

1 Petrus 3:21

Omeva henga otjiyulikitho tjetjatjo napano ndimali mu hupitha. Etjatjo kaali itha po vala osilo yokolutu, iya metjatjo tu kumba, Kalunga e tu pe elityoo ewa mena lyeimuko kout̯e lyaJesus Kristus.

1 Johannes 2:29

Andaa mu tji i okutya Kristus omuvyuuki, mu tji i wo okutya auhe ngoka nguma undapa hitja vyuuka, wa yumukwa muKalunga.

1 Johannes 5:1

Auhe nguma itavele okutya Jesus oye e li Messias, wa yumukwa muKalunga, nanguu hole omuyumuki, ma kala ae hole wo omuyumukwa waKalunga.