Johannes 16:3 - Etestamende Epe Moludhimba

³ Ovipuka hembi mave ke mu ningila vyo, mena lyokutya kave ndji i, naTate kave mu i.

Johannes 16:3 Iomraidhean Croise

Lukas 10:22

“Ovipuka avihe mbe vi pewa kuTate. Kaku na tja nguu i Omuna kakele vala kaTate, ko kaku na tja nguu i Tate kakele vala kOmuna, nangoka Omuna nguma hala oku mu holololela ye.”

Johannes 15:21

Iya ovipuka hembi avihe ovyo mave ke mu ningila mena lyokutya n̯e muvalongwa vandje, mena lyokutya kave mu i ngoka ngwaa ntuma.

Johannes 15:23

Ngoka nguu ndjele, u yele wo Tate.

Johannes 17:25

Taa omuvyuuki, ouye kau ku i, iya ame ndji ku i, namboka ovandje ve ku i okutya ove wa ntuma.

Johannes 17:3

Omwenyo waapehe hoowombu, okutya ve ku iwe ove Kalunga aika katjatjili, wo va iwe wo Jesus Kristus, ngoka nguwa tuma.

Johannes 8:19

Ovafarisai ve mu pula hava tyaa: “Iho u li pi?” Jesus we ve yaka ha tyaa: “Ame kamu ndji i, naTate kamu mu i. Ngaile mu ndji i, ngai naTate mu mu i wo.”

Johannes 8:55

N̯e kamu mu i, iya ame ndji mu i. Ngaile mba tya hí mu i, ngai ame ndjinkembi ngan̯e. Iya ame ndji mu i, nodhondaka dhe ndji dhi takametha.

Ovilinga 3:17

“Iya napano vakwetu, ame ndji tji i okutya n̯e novanene ven̯i, hehi himwa undapela Jesus, mwe tji undapa vala, mena lyokutya kamu vadhelwe amu tji i.

1 Ovakorinto 2:8

Ovatumini wouye hembu kape na tja noumo nguu i ounongo hembu, kave u i, ngaile ve u i, ngai kava papelele Muhona wetumbalo komutjaakano.

2 Ovatessalonika 1:8

okuyumaneka mboka mbahave i Kalunga namboka mbahava tee ondaka ombwa yaMuhona wetu Jesus.

1 Timoteus 1:13

Nandaku tiwa nahi lukulu mbe mu penyene, he mu tatetha, he mu lalula, Kalunga wa nt̯ila onkenda, mena lyokutya hímba li amba itavela, ye hímba li andji tji i hime ningi.

1 Johannes 2:23

Iya ngume litendele Omuna, me litendele naIhe, nguma tambula Omuna, ma tambula wo naIhe.

1 Johannes 3:1

Talen̯i ohole mpai lithike, Tate ndjee tu pa, hitu ithanwa odhondele dhaKalunga, iya nt̯e otjo tu li. Iya ouye kau tu i, mena lyokutya kau i Kalunga.

1 Johannes 4:8

Nguhe na tja ohole, ke i Kalunga, mena lyokutya Kalunga ohole.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.