Johannes 13:3 - Etestamende Epe Moludhimba

³ Jesus wa li ae tji i okutya Ihe we mu pa ovipuka avihe momawoko e, ye wa li ae tji i okutya ye wa dha kuKalunga, ma ka tjuna kuKalunga.

Johannes 13:3 Iomraidhean Croise

Mateus 11:27

“Ovipuka avihe mbe vi pewa kuTate. Kaku na tja nguu i Omuna kakele vala kaTate, ko kaku na tja nguu i Tate kakele vala kOmuna, nangoka Omuna nguma hala oku mu holololela ye.

Mateus 28:18

Jesus we ya kuwo, he ve heele ha tyaa: “Ame mba pewa etumino alihe meulu nokombanda yohi.

Lukas 10:22

“Ovipuka avihe mbe vi pewa kuTate. Kaku na tja nguu i Omuna kakele vala kaTate, ko kaku na tja nguu i Tate kakele vala kOmuna, nangoka Omuna nguma hala oku mu holololela ye.”

Johannes 1:18

Kaku na tja noumo ngwaa mona Kalunga nokanunu, Ongunga aika nguu li mekolo lyaIhe, oye e mu hololola.

Johannes 13:1

Iya tainkolo etango lyotjipito tjOpaasa háliye ya, Jesus wa li ae tji i okutya owola ye ye thiki okuthiaa po ouye hembu, a ende kwiIhe, ye ngahi a li ae hole mboka ove, mbava li mouye, wa li ae ve hole katee pehulilo.

Johannes 17:2

Ngahi we mu pa odhonkono okutumina ovantu avehe, opo a yandje omwenyo waapehe kuwo avehe mboka mbawe mu pa.

Johannes 3:13

Kape na tja noumo ngwaa londa, ha i meulu kakele kOmuna wOmuntu, ngoka ngwaa dha meulu.”

Johannes 3:35

Ihe u hole Omuna, we mu pa ovipuka avihe momawoko e.

Johannes 7:29

Ame ndji mu i, mena lyokutya mba dha kuye, ye oye a ntuma.”

Johannes 7:33

Jesus we ve heela ha tyaa: “Ame ndji li pun̯e okaluvedhe okanunu uke. Iya okudha mpoka me i kungoka ngwaa ntuma.

Johannes 8:14

Jesus we ve yaka ha tyaa: “Nandaku tiwa me lihipulula ame omwene, me popi otjatjili, mena lyokutya ame ndji ku i hoka humba dha nahoka hume i. Iya n̯e kamu ku i hoka humba dha nahoka hume i.

Johannes 8:42

Jesus we ve heela ha tyaa: “Ngaile Kalunga oye a li iho, ngai mu ntjole, mena lyokutya ame mbe ya okudha kuKalunga, ame napano aame hengu. Ame hí dhile mwaame omwene, iya oye a ntuma.

Ovilinga 2:36

Iya Ovaisraeli avehe ngava kale ave tji i nawa okutya Jesus hengu ngumwa papela komutjaakano, Kalunga we mu ninga Muhona, naMessias.”

1 Ovakorinto 15:27

Iya omisonekwa mavi tyaa: “Kalunga ovipuka avihe we vi twaa kohi yodhompadhi dhaKristus,” himaku tiwa “ovipuka avihe” kamu kambulililwe Kalunga ngwaa twaa ovipuka avihe kohi yaKristus.

Ovaheberi 1:2

Iya pomatango henga athiinina we tu popitha okupitila mOmuna ngoka Kalunga ngwaa utitha ouye, novipuka avihe pomaandelo mavi ka ninga ovye.