Johannes 1:51 - Etestamende Epe Moludhimba

⁵¹ Jesus we ve heela ha tyaa: “Ame me mu heele otjatjili okutya mamu ka mona eulu ndyee liyapuka, novaengeli vaKalunga himava londo nahimava heluka okuya kOmuna wOmuntu.”

Johannes 1:51 Iomraidhean Croise

Mateus 25:31

“Iya Omuna wOmuntu hime ya metumbalo lye novaengeli ve avehe, ma ka kala pohi kotjipunditumino tjetumbalo lye.

Mateus 26:24

Iinga, Omuna wOmuntu ma i, ngahi tja sonekwa ouhunga naye, atjaa utatyei omuntu ngoka nguma ka weleleka Omuna wOmuntu! Omuntu ngoka ngaile ka yumukilwe, ngai hahe.”

Mateus 3:16

Jesus hiaa tjatjwa, wa dha mo dhiva momeva, eulu lye liyapuka, iya taa tuutuu, wa mono Ombepo yaKalunga amai lauka ngonguti, hai mu wilile.

Mateus 4:11

Iya omudiapoli we mu yetha, tjau, ovaengeli have ya kuJesus, have mu popile.

Mateus 8:20

Jesus we mu heela ha tyaa: “Odhombandje dhi na omalungi, novidhila vyokeulu vi na oviyuwo, iya Omuna wOmuntu ke na mpama thuvitha omutwe we.”

Mateus 9:6

Iya opo mu kale amu tji i okutya Omuna wOmuntu u na odhonkono kombanda yohi okwiitha po odhonkali,” Jesus wa heela omuvedhi wotjinteya ha tyaa: “Kulama, itha po otjintali tjoye, enda konganda.”

Markus 1:10

Dhivadhiva Jesus hiaa dhi momeva, wa mona eulu ndyee liyapuka, nOmbepo yaKalunga amai lauka ngonguti, hai mu wilile.

Markus 14:62

Jesus we mu yaka ha tyaa: “Aame. Iya mamu ka mona Omuna wOmuntu, aa kala pohi kokulyo kOmunadhonkono, ame ya kombanda yomakaka okeulu.”

Lukas 2:13

Iya dhivadhiva pomweengeli ngoka pa li engundwa lyovaengeli womeulu, hava hivilike Kalunga hava tyaa:

Lukas 2:9

Omweengeli waMuhona we ya kuwo, elaimo lyaMuhona hali ve laimine, wo hava tila unene.

Lukas 22:43

Omweengeli womeulu we mu hololokela, he mu pameke.

Lukas 22:69

Iya okudha ndino Omuna wOmuntu ma ka kala pohi kokulyo kwaKalunga nguu na odhonkono.”

Lukas 24:4

Tainkolo va li ave limbililwa, puwo pa kulama ovalumentu vavali mbava li ava dhala omidhalo mbimavi laima.

Lukas 3:21

Iya napano ovantu avehe hiva tjatjwa, Jesus naye wo wa tjatjwa. Hiaa li ama kumbu,

Johannes 1:50

Jesus we mu yaka ha tyaa: “Ove ngundhe wa itavele vala himba tya mbe ku mona hiwa li momukuyu? Mo ka mona ovipuka ovinene mbyaa pon̯a hembi.”

Johannes 10:1

Jesus we ve heela ha tyaa: “Ame me mu heele otjatjili okutya nguma i motjuunda tjodhondhu ahama pitile potjivelo, iya ha hitile mpape lili otjimpulu, ye omupundi.

Johannes 10:7

Jesus we ve heela uke ha tyaa: “Ame me mu heele otjatjili okutya aame otjivelo tjodhondhu.

Johannes 13:16

Ame me mu heele otjatjili okutya omupika ka pon̯ene omuhona we, nontumwa kai pon̯ene omutumi wayo.

Johannes 13:38

Jesus wa yaka ha tyaa: “We lilongekedha okut̯a mena lyandje? Ame me ku heele otjatjili okutya tainkolo onkondombolo háiya popya, ove mo lintendele tutatu.”

Johannes 14:12

Ame me mu heele otjatjili okutya ngoka ngwaa itavele mwaame, oye ma ka undapa uke ovilinga ovinene mbyaa pon̯a mbyoka, mena lyokutya ame me i kuTate.

Johannes 16:20

Ame me mu heele otjatjili okutya mamu ka lila, hamu ka etetha onkenda, iya ouye mau ke hulukwa. Mamu ka kala notjinkendeleka, iya otjinkendeleka tjen̯i matji ka tjituka ehuluko.

Johannes 16:23

“Etango ndyoka, kamu na himamu ka mpula. Ame me mu heele otjatjili okutya atjihe soka himamu kumbu kuTate amamu tumbula ena lyandje, me ke mu pa tjo.

Johannes 21:18

Ame me ku heele otjatjili okutya hiwa li omudhantu, nahi u likuta omuvya motjivya, ho i humo hala, iya andaa wa kulupa, mo yele omawoko oye, umo he ku kutu, ye he ku twala hoka huhamo hala okuya.”

Johannes 3:3

Jesus we mu yaka ha tyaa: “Ame me ku heele otjatjili okutya omuntu andaa kaa yumukululwa, kaa ulu okumona otjilongo tjaKalunga.”

Johannes 3:5

Jesus we mu yaka ha tyaa: “Ame me ku heele otjatjili okutya omuntu kaa ulu okuya motjilongo tjaKalunga, andaa ka yumukilwe momeva nomOmbepo,

Johannes 5:19

Jesus we ve yaka ha tyaa: “Ame me mu heele otjatjili okutya omuna kaa ulu okuninga notjimo muye omwene. Ma ningi vala soka hiee lwete Ihe hima ningi. Soka Ihe hima ningi, Omuna naye wo otjo ma ningi.

Johannes 5:27

Ye wa pa Omuna odhonkono dhokukoya, mena lyokutya ye Omuna wOmuntu.

Johannes 6:26

Jesus we ve yaka ha tyaa: “Ame me mu heele otjatjili okutya n̯e kaamu ntaendha mena lyahimwa mono ovilingatangan̯eko mbyoka mbimba ningi, iya omena lyokutya mwa li omingome hembinya hamu kuta.

Johannes 6:32

Jesus we ve heela ha tyaa: “Ame me mu heele otjatjili okutya Moses haye e mu pele omungome womeulu, Tate oye e mu pa omungome watjatjili mbumau dhi meulu.

Johannes 6:47

Ame me mu heele otjatjili okutya ngwaa itavele, u na omwenyo waapehe.

Johannes 6:53

Jesus we ve yaka ha tyaa: “Ame me mu heele otjatjili okutya andaa kaamu li olutu lwOmuna wOmuntu n̯e kaamu nu ombindhi ye, kaamu kala amu na omwenyo.

Johannes 8:34

Jesus we ve yaka ha tyaa: “Ame me mu heele otjatjili okutya auhe ngoka nguma undapa oulundhi, omupika woulundhi.

Johannes 8:51

Ame me mu heele otjatjili okutya kwalukele ngoka nguma takametha odhondaka dhandje kaa t̯i katee apehe.”

Johannes 8:58

Jesus we ve yaka ha tyaa: “Ame me mu heele otjatjili okutya Abraham tainkolo aheya yumukwa, ame oko mba li lukulu.”

Ovilinga 10:11

Petrus wa mona eulu alye liyapuka, mo hamu dhi otjipuka himatji ngala otjitopa otjinene hitja t̯itwa kodhontyo dhatjo ne, hatji thothonokethelwa pohi.

Ovilinga 7:56

Stefanus wa heela ovanene wOtjoongi ha tyaa: “Talen̯i, ndji lwete eulu ndyaa yeluka, nOmuna wOmuntu wa kulama kokulyo kwaKalunga.”

2 Ovatessalonika 1:7

N̯e mbamwa tatethwa, Kalunga me mu pa oluthuwo pamo nant̯e, Muhona wetu Jesus hima ka hololoka momulilo mbwaa tema okudha meulu pamo novaengeli ve ovanadhonkono

2 Ovatessalonika 1:9

Ovantu mboka mava ka vadhwa koluyuma lwehan̯auno lyaapehe, ndyoka ndimali ke ve yapula kuMuhona noketumbalo lyodhonkono dhe.

1 Timoteus 3:16

Kape na tja omuntu nguma tetha ombata okutya otjiholekwa tjeitavelo lyetu otjinene: Kalunga we ya molutu, Ombepo ye mu yulika okutya omuvyuuki, wa moneka kovaengeli. Wa teethelwa mokati koviwan̯a, wa itavelwa mouye, ha twalwa meulu.

Ovaheberi 1:14

Ovaengeli owaan̯i? Ovaengeli avehe odhombepo ndhii undapela Kalunga, dho ndhii tumwa kuKalunga okupopila ovantu mbamava ka hupithwa.

Judas 1:14

Henok, omutyapanduvali okudha kuAdam, we ve thimbila ae lukulu ha tyaa: “Muhona me ya nomayovi omengi ovaengeli ve ovadhilikwa

Eholololo 19:11

Iya ame mba tala, he mono eulu ndyee liyapuka, nonkambe ompembadhi, ngwee i kavile u tiwa Omuliun̯ikwa, Owatjatjili, ma koyo ekoyo ndyaa vyuuka, ye ma lu nouvyuuki.

Eholololo 4:1

Taa tuutuu, kon̯ima yovipuka hembi mba mona omuvelo mbwaa yeluka meulu, ondaka ndjoka yolutenga ndjimba teele, ndjaa li amai ngala onkwino, ya mpopitha hai tyaa: “Indjo huno peulu, ndji ku yulikile himatji ka ningwa komeho.”