Johannes 1:16 - Etestamende Epe Moludhimba

¹⁶ Mowingi wet̯ilonkenda lye nt̯e atuhe twa pewa mo elao ndyaa wedhwa ket̯ilonkenda.

Johannes 1:16 Iomraidhean Croise

Mateus 13:12

Iya nguu na tja, ma pewa, ha kala ae na otjingi unene, iya nguhe na tja, nahiee na tjo, me tji nyekwa.

Mateus 3:11

Ame me mu tjatja nomeva himwe liteyulula, iya ngume ya kon̯ima yandje omunene kwaame, ame híme tji ulu nangahi tji li oku mu tjindila odhongaku dhe, ye me ke mu tjatja nOmbepo Ondhilikwa nomulilo.

Mateus 3:14

Iya Johannes we mu anya ha tyaa: “Aame me hepwa okutjatjwa kwoove, ove nkee mo ya kwaame?”

Lukas 21:15

Iya ame me ke mu pa himamu ka popya, nounongo mboka mbuhamau ulu okutethwa ombata, odhondjedhi dhen̯i adhihe madhi ka anyenwa oku mu yaka ne oku mu tetha ombata.

Johannes 3:34

Iya ngwaa tumwa kuKalunga, oye ma popi odhondaka dhaKalunga, mena lyokutya Kalunga kee mu pa Ombepo ama yeleke, iya me mu pa ndjaa hulu.

Ovaroma 5:17

Iya andaa et̯o lya uta okutumina ovantu avehe mena lyomuntu ngoka umo ngwaa lundha, iya unene tuu mbava tambula et̯ilonkenda notjali tjouvyuuki, mava ka kala nomwenyo, hava tumine okupitila momuntu umo, Jesus Kristus.

Ovaroma 5:2

Iya mena lyeitavelo, Kristus we tu thikitha met̯ilonkenda lyaKalunga, moka mutu li. Matu hulukwa himatu kevelele etumbalo lyaKalunga.

Ovaroma 5:20

Iya Kalunga wa yandja oveta, odhonkali opo dhi ila odhon̯ingi, mpape na odhonkali odhon̯ingi net̯ilonkenda lyaKalunga en̯ingi.

Ovaroma 8:9

N̯e kamu tuminwa kehalo lyountu, iya mu tuminwa kOmbepo yaKalunga, andaa Ombepo yaKalunga i li mun̯e. Iya andaa Ombepo yaKristus kai li mun̯e, kamuvaKristus.

Ovaefeso 1:23

Eongalo olyo li li olutu lwaKristus ngoka ngwee lihwila po mulyo, ngwaa hwithila po ovipuka avihe apehe.

Ovaefeso 3:19

mu iwe ohole onene yaKristus, opo mu hwithilwe po mehwilopo alihe lyaKalunga.

Ovakolossa 1:19

Iya Kalunga wa tokola okutya Omuna a kale ae na ehwilopo alihe lyoukalunga muye.

Ovakolossa 2:3

MuKristus mwa holekwa ouhona auhe wounongo nowodhondunge.

1 Petrus 1:11

Va thongonona otembu ndjoka okutya onalun̯i ne i li vi, Ombepo yaKristus ndjii li muwo ndjaa popya, hiva thimbila okutatethwa kwa Kristus, netumbalo ndimali ke ya kon̯ima yokutatethwa kwe.

1 Petrus 1:2

Kalunga Ihe we ve holowola ae lukulu. Ombepo Ondhilikwa ye ve ninga ovantu ovadhilikwa, va tyee muJesus Kristus, wo va kohwa nombindhi yaKristus. Et̯ilonkenda nouwa owingi ngau kale nan̯e.