Johannes 1:1 - Etestamende Epe Moludhimba

¹ Peutilo pa li Ondaka. Ondaka ya li puKalunga, nOndaka ya li Kalunga.

Johannes 1:1 Iomraidhean Croise

Mateus 1:23

“Taa tuutuu, omuthukona wongendjo ma ka ila omut̯imba, iya ma ka yumuka omudhantu, ena lye mave ke mu luka Immanuel,” mali tyaa: “Kalunga pamo nant̯e.”

Lukas 24:53

Wo apehe va kala motempeli otjo mava hivilike Kalunga.

Johannes 1:14

Ondaka ya ninga omuntu ngwaa kala mokati ketu. Nt̯e twa tala etumbalo lye, etumbalo lyOngunga yaIhe. Ye wa li ae yula et̯ilonkenda notjatjili.

Johannes 1:18

Kaku na tja noumo ngwaa mona Kalunga nokanunu, Ongunga aika nguu li mekolo lyaIhe, oye e mu hololola.

Johannes 1:2

Ondaka hendji ya li peutilo puKalunga.

Johannes 16:28

Ame mba dha kuTate, he ya mouye, iya me thii po uke ouye, he i kuTate.”

Johannes 17:5

Taa, iya napano ntumbaleketha ndje movipathi vyoye netumbalo lyoye ndyoka ndimba li nalyo, tainkolo ouye háuya utwa.

Johannes 20:28

Tomas we mu yaka ha tyaa: “Muhona wandje! Kalunga kandje!”

Johannes 8:58

Jesus we ve yaka ha tyaa: “Ame me mu heele otjatjili okutya Abraham tainkolo aheya yumukwa, ame oko mba li lukulu.”

Ovaroma 9:5

Mowoiheombwale omo mwa dha Kristus, hiaa yumukwa mountu. Kalunga, Omutuminiwaavihe, nga tumbalekwe apehe katee apehe! Amen.

Ovaefeso 3:9

nokuholololela ovantu avehe otjiholekwa hitja li atja holekwa okudha lukulu, tja li atja holekwa muKalunga, Omuuti wovipuka avihe,

Ovafilippi 2:6

Kristus nandaku tiwa wa li Kalunga, ke liyulikile okutya oKalunga.

Ovakolossa 1:15

Kristus otjithika tjaKalunga nguha moneka, omutenga meuto alihe.

Ovakolossa 1:17

Kristus oko a li, tainkolo ovipuka avihe vya li ahavi ko. Ovipuka avihe vye likambulila kumo muye.

1 Timoteus 3:16

Kape na tja omuntu nguma tetha ombata okutya otjiholekwa tjeitavelo lyetu otjinene: Kalunga we ya molutu, Ombepo ye mu yulika okutya omuvyuuki, wa moneka kovaengeli. Wa teethelwa mokati koviwan̯a, wa itavelwa mouye, ha twalwa meulu.

Titus 2:13

mokukevelela kwetu ehwithilopo lyekevelelo lyelao nokuya kwetumbalo lyaKalunga omunene nolyOmuhupithi wetu Jesus Kristus,

Ovaheberi 13:8

Jesus Kristus ka lunduluka, hiaa li ongulohi, otjo e li nandino katee apehe.

Ovaheberi 7:3

Melkisedek hengu ke na ihe, ye ke na ina, ye ke na tja eanda, kaku tumbulilwe wo okuyumukwa kwe ne et̯o lye. Iya wa yelekwa nOmunwaKalunga okutya ma kala omuyambethi katee apehe.

2 Petrus 1:1

Omukanda hembu mau dhi kwaame Simon Petrus, omupika nomuyapostoli waJesus Kristus. Me sonekele mboka mbava pewa eitavelo ewa ngolyetu mena lyouvyuuki waKalunga ketu nowOmuhupithi Jesus Kristus.

1 Johannes 5:20

Nt̯e tu tji i okutya OmunwaKalunga we ya, he tu pa etyeeko, opo tu iwe Kalunga katjatjili. Nt̯e tu li muye nguu li owatjatjili, mOmuna Jesus Kristus. Oye e li Kalunga katjatjili, nomwenyo waapehe.

1 Johannes 5:7

Iya pe na odhombangi ndatu:

Eholololo 1:11

hai tyaa: “Soneka medhingwambo hiuu lwete, ove u li tumine omaongalo epanduvali: LyokoEfeso nolyokoSmirna nolyokoPergamo nolyokoTiatira nolyokoSardes nolyokoFiladelfia nolyokoLaodikea.”

Eholololo 1:17

Iya himbe mu mono, mba wila podhompadhi dhe ngangumba t̯i. Iya wa ntendeka okuwoko kwe kwokokulyo ha tyaa: “Hó tila, aame omutenga nomuthiinina,

Eholololo 1:2

ngwaa hipulula odhondaka dhaKalunga noumbangi waJesus Kristus, atjihe hiaa mona.

Eholololo 1:8

“Aame Alfa naOmega,” Muhona Kalunga otjo ma popi, hengu nguu li ko, ngwaa li ko, ye ngume ya, Omutuminiwaavihe.

Eholololo 19:13

Wa dhala omudhalo mbwaa yawa mombindhi, ha lukwa ena ndimali tyaa: “Ondaka yaKalunga.”

Eholololo 2:8

“Iya sonekela omweengeli weongalo lyokoSmirna u tyee: “Omutenga nomuthiinina, ngoka ngwaa t̯ile, iya napano nguu na omwenyo, ma tyaa:

Eholololo 21:6

Wa ntjeela uke ha tyaa: “Tja ningwa! Aame Alfa naOmega, eutilo nehulilo, ngwaa t̯i onyota, me mu pa omeva mothimo yomeva omanamwenyo otjali.

Eholololo 22:13

Aame Alfa naOmega, omutenga nomuthiinina, eutilo nehulilo.”

Eholololo 3:14

“Sonekela omweengeli weongalo lyokoLaodikea, u tyee: “Nguu tiwa Amen, ombangi yatjatjili omuliun̯ikwa, ethina lyovyuutwa avihe vyaKalunga, ma tyaa: