Jakob 5:8 - Etestamende Epe Moludhimba

⁸ Nan̯e wo likambulithilen̯i, omitima vyen̯i ngavi dhike, mena lyokutya okutjuna kwaMuhona ku li popedhi.

Jakob 5:8 Iomraidhean Croise

Lukas 21:19

Amamu likambulithile, mamu ka nganyana omwenyo.

Johannes 21:22

Jesus we mu yaka ha tyaa: “Andaa ame mba hala, a kale nomwenyo katee me ya, u na tji natjo? Ndandula ndje.”

Ovaroma 8:25

Iya andaa matu kevelele hihatu lwete, matu tji kevelele amatu likambulithile.

Ovagalati 5:22

Iya ovinyango vyoMbepo hoovyombi: Okukala amu lihole, okuhulukwa, ouwa, okulikambulithila, oupanga, okukala nawa novantu, okukala omuliun̯ikwa,

Ovafilippi 4:5

Olweembya lwen̯i ngalu moneke kovantu avehe. Muhona u li popedhi.

1 Ovatessalonika 1:10

nahimu kevelela Omuna, a dhe meulu ngoka Kalunga ngwaa imuna kout̯e, oye e li Jesus ngume tu hupitha moluyuma lwaKalunga.

1 Ovatessalonika 2:19

Eliun̯iko lyetu ne ehuluko ne ohala yokulitanga kwetu oyatji kotjipala tjaMuhona wetu Jesus hime ya, andaa han̯e?

1 Ovatessalonika 3:13

Muhona nga koleke omitima vyen̯i, opo hámu kala nombedhi, iya mu kale ovadhilikwa kotjipala tjaKalunga Tate, Muhona wetu Jesus hime ya pamo novadhilikwa ve avehe.

2 Ovatessalonika 3:5

Iya napano Muhona nga viyule omitima vyen̯i mu kale amu hole Kalunga, n̯e mu kale noutakamethi waKristus.

Jakob 5:3

Otjisilveri notjingoldo tjen̯i tja ninga omulelu, hehi matji ningi oumbangi woku mu pa ombedhi. Omulelu hembu mau ka lya onyama yen̯i ngomulilo. Mwe liongedhela omauhona pomatango henga opehulilo.

Jakob 5:9

Vakwetu, hámu litangunitha, opo hámu koywa. Taa tuutuu, nguma koyo wa kulama pomuvelo.

1 Petrus 4:7

Ehulilo lyovipuka avihe li li popedhi. Lungamen̯i, mu liyunge nawa, opo mu tjiiwe okukumba.

Eholololo 22:20

Nguma popi ovipuka hembi ma tyaa: “Iinga, ame me ya dhiva.” Amen. Muhona Jesus, indjo!