Jakob 5:3 - Etestamende Epe Moludhimba

³ Otjisilveri notjingoldo tjen̯i tja ninga omulelu, hehi matji ningi oumbangi woku mu pa ombedhi. Omulelu hembu mau ka lya onyama yen̯i ngomulilo. Mwe liongedhela omauhona pomatango henga opehulilo.

Jakob 5:3 Iomraidhean Croise

Ovilinga 2:17

‘Kalunga ma tya, omatango opehulilo ame me ka tila kombanda yovantu avehe Ombepo yandje, ovanwen̯i ovadhantu novakadhona mava ka teetha odhondaka dhaKalunga, omatele novathukona mava ka mona omamoneko, ovanene ven̯i mava ka lota omalambandjodhi.

Ovaroma 2:5

Iya okulikukutika kwoye, nomutima woye mbuhau liteyulula, mo lietele oluyuma lwaKalunga metango lyoluyuma, nekoyo evyuuki lyaKalunga himali ka holololwa.

2 Timoteus 2:17

Elongo ndii li hinyahi li ngala otjiwalo tjontontola. Ovalumentu vavali mbava longa ovantu ovipuka mbyee litha hoka oHimeneus naFiletus.

2 Petrus 3:3

Olutengatenga mwa thele okwiiwa okutya omatango athiinina maku ke ya ovapenyi wokupenya, mava ka kala amava ende ngahi matji hala omahalo awo omavi.

Eholololo 17:16

Odhonyaa omulongo ndhiwa mono, notjithitu hiwa mono, avihe hembi mavi ka kala avi yele ekunga. Mave ke li dhula atjihe hili na tjo, have li thii nyahinya. Mava ka lya onyama yekunga, have li hike po momulilo.

Eholololo 20:15

Iya nguha monekele aa sonekwa membo lyomwenyo, wa yumbwa melunga lyomulilo.

Eholololo 21:8

Iya mbava lya owoma nambahave na eitavelo, novalisiliki novadhipai nambave hole ovihulo, nodhompule novatumbaleki wovikalunga, nodhonkembi adhihe, oluvedhe lwawo malu ka kala melunga lyomulilo nosulfuri, ndyoka ndimali ka kala et̯o etyavali.”