Jakob 4:11 - Etestamende Epe Moludhimba

¹¹ Vakwetu, hámu likuminine, nguma kuminine omukwawo ne ha tya wa puka, ma kuminine oveta, ye he i tombo. Andaa mo tombo oveta okutya koo ulu oku i hwithila po, iya mo tya oveta ya puka.

Jakob 4:11 Iomraidhean Croise

Lukas 6:37

“Hámu koyo, nan̯e opo hámu koywa. Hámu yandja onkali, nan̯e opo hámu pewa onkali. Liithilen̯i po odhonkali, nan̯e wo opo mu ka ithilwa po.

Ovaroma 2:1

Mukwetu, ove andaa u koya ovakwen̯i, koo ulu okulipopila nandaku tiwa oove an̯i. Iya andaa u koya ovakwen̯i, ove nan̯i mbyuu ve pela ombedhi, ove ovyo u ninga, okutya we likoyo omwene.

Ovaroma 2:13

Omuntu kaa ile omuvyuuki kotjipala tjaKalunga hima teelele oveta, iya ma ile omuvyuuki ama hwithile po oveta.

Ovaroma 7:7

Atjaa napano ngatu tye vi? Oveta oulundhi? Hátjo nokanunu. Iya ngaile haveta, ngai hí ivilwe oulundhi. Oveta ngai kaai tyaa: “Hó kema otjipuka tjomukwen̯i,” ngai hí ivilwe okutya okukema otjitji.

1 Ovakorinto 4:5

Hámu koyo omuntu, tainkolo otembu háiye thika, katee Muhona me ya, nguma eta poluhandja oviholekwa vyet̯iku nokuhololola omalipulo aehe omomutima. Iya omuntu auhe ma ka pewa ompandu kuKalunga.

2 Ovakorinto 12:20

Ame me tila okutya pamo hime ya kun̯e, me mu vadha ahamu li ngahi me hala. Iya nan̯e wo pamo mamu ka mbadha andji li ngahi hámamu hala. Ame me tila okutya pamo me ke mu vadha amu na omalutangu, onki, oluyuma, okuliyapauka, okulikuminina, omalwaambo, ovithithi, okulinoma nokungwangwana.

Ovaefeso 4:31

Hámu kala nonya, ovinkumba noluyuma, olutangu, okutukana, okulikuminina, nouvi auhe ngau kale kokule nan̯e.

1 Timoteus 3:11

Ovakadhintu wovapopili va tha okukala ovantu mbava pukuluka. Kava tha okukala ovantu womalwaambo. Kava tha okukala odhonkolwe. Va tha okukala ovaliun̯ikwa movipuka avihe.

2 Timoteus 3:3

Wo kaava ka kala ave na ohole, kave na onkenda, owokulikumaenena, odhomputji nambava ngala ovithitu, mbave yele ouwa.

Titus 2:3

Ovakulukadhi nawo ngava kale nonkalo ndjee thevelwa ovavyuuki, havakuminini, havapika wovikunwa ovingi, iya ngava kale ovalongi wouwa,

Jakob 1:16

Vakwetu ovahivilikwa, hámu kembelwa po!

Jakob 1:19

Vakwetu ovahivilikwa, iwen̯i okutya iya napano omuntu auhe onawa a tyee dhiva, há kanyauka okupopya, há yumana dhiva.

Jakob 1:25

Iya ngume lilongo moveta ndjaa hwila po, oveta ndjimai kutulula ovantu modhonkali nomet̯o, ye he i kambulitha, ye ahama kala omuteeleli vala nguu dhimba, iya ongume i kambulitha, ma kala omunalao movilinga vye.

Jakob 2:8

Mamu ningi nawa, andaa mamu hwithile po oveta yopauhamba mOmisonekwa ndjimai tyaa: “Kala au hole omukwen̯i ngahi u lihole ove omwene.”

Jakob 5:10

Vakwetu, holelen̯i ovaprofeti mbava popya mena lyaMuhona, mbave likambulithila momaudheu.

Jakob 5:7

Iya vakwetu, likambulithilen̯i katee Muhona ma tjuna. Taa tuutuu, omunatjana u kevelela katee oviliwa vyolutenga motjana mavi utu okuliwa, he likambulithile uke okudha kombula amai uula katee kompumamuhoke mai utu okuula.

Jakob 5:9

Vakwetu, hámu litangunitha, opo hámu koywa. Taa tuutuu, nguma koyo wa kulama pomuvelo.

1 Petrus 2:1

Iya yethen̯i ovipuka avihe ovivi, ovithithi, okulinoma, onki nomalwaambo.