Jakob 4:1 - Etestamende Epe Moludhimba

¹ Ovilwa nomalutangu mokati ken̯i vi dha pi? Kavi dhi molwiho lwen̯i nduu kondja momalutu en̯i?

Jakob 4:1 Iomraidhean Croise

Mateus 15:19

Iya komutima oko ku dha omalipulo omavi okudhipaa, okulivaka, okuhula, oumpulu, okulikuminina nokulipenya.

Johannes 8:44

N̯e mu na iho omudiapoli, mamu hala okuundapa ehalo lyaiho. Ye omudhipai okudha peutilo, ye ke na tja mpoka mpaa li motjatjili, mena lyokutya muye kamu na tja otjatjili. Ama popi ovithithi, u popya ovipuka vye omwene, mena lyokutya ye onkembi, ye oye e li ihe yovithithi avihe.

Ovaroma 7:23

Iya ame ndji mona oveta imo ndji li molutu lwandje, ndjimai kondjetha, ndjimba itavela momutima wandje, ya nkambula, ndji kale omupika woveta youlundhi ndjii li molutu lwandje.

Ovaroma 7:5

Hitwa li monkalo yountu, oulundhi wa tukululwa koveta, wa kala amau undapa munt̯e. Onkalo ndjii li nyahoka mai twala met̯o.

Ovaroma 8:7

Iya omalipulo ountu a kondjetha Kalunga, mena lyokutya kaa tee koveta yaKalunga, oo kae tji ulu.

Ovagalati 5:17

Olutu lu kondjetha Ombepo, nOmbepo i kondjetha olutu, ovipuka hembi vi likondjetha, opo hámu ningi ngahi mamu hala.

Ovakolossa 3:5

Yethen̯i omahalo opauye ngae li mun̯e ngahi tji li: Ovihulo, okuhakohoka, otjipando otjivi, ehalo evi, olwiho lwemona olwo lu li okuundapela ovikalunga.

2 Timoteus 2:23

Hó litwaa modhombata dhomawoova ndhihadhi na odhondunge, mena lyokutya u tji i okutya odhombata dhe eta vala omalutangu.

Titus 3:3

Iya nant̯e wo twa li ahatu na tja odhondunge, nahi katu tee, twa pukile, twa li ovapika womahalo ngae lili nangae lili. Twa kala monkalamwenyo yonki noyouvi, twe litoyele pokati.

Titus 3:9

Iya henuka odhombata dhowoova nokuhava odhondumevelo dhomaanda, omalutangu novilwa ouhunga noveta. Iya ovipuka hembi kavi na tjilinga vyo kavi na himavi popile.

Jakob 1:14

Omuntu auhe u tyolaethwa kehalo lye omwene evi ndii mu nana, hali mu hekaheka.

Jakob 4:3

Mu kumba, atjaa kamu pewa, mena lyokutya mu kumba navi, mbimu kumba, mu ke vi undapetha ngahi mamu hala ovene.

1 Petrus 1:14

Iya n̯e mu ngala odhondele mbava tyaa, iya hámu itavele okulandula omahalo en̯i omavi ngamwa landulile lukulu, himwa li ahamu na himu i.

1 Petrus 2:11

Vahivilikwa, me mu pukulula, mu li ngovayenda nodhongendi mouye hembu. Litjaelen̯i komahalo aehe ountu ngaa kondjetha omwenyo.

2 Petrus 2:18

Iya va popya ovipuka vyokulinoma vyomawoova. Va undapetha odhonkalo dhawo odhombi dhovihulo. Mbamave ve inkolo, va endwa kohi nonkalo yawo ndjoka ombi.

2 Petrus 3:3

Olutengatenga mwa thele okwiiwa okutya omatango athiinina maku ke ya ovapenyi wokupenya, mava ka kala amava ende ngahi matji hala omahalo awo omavi.