Jakob 3:17 - Etestamende Epe Moludhimba

¹⁷ Ounongo mbuu dha kombanda, olutenga wa kohoka, u na ouwa, u na olukeno noupanga, we yula onkenda novilinga oviwa, kau na tja omalimbililo ne ovineya.

Jakob 3:17 Iomraidhean Croise

Mateus 23:28

Iya nan̯e wo movipathi vyovantu mu ngala ovavyuuki, iya modhontulo dhen̯i mwe yula elinomo noulundhi.

Mateus 5:8

Ovanalao ombave na omitima mbyaa kohoka, mena lyokutya mava ka mona Kalunga.

Mateus 5:9

Ovanalao ombava kondjela ouwa, mena lyokutya mava ka ithanwa ovanwaKalunga.

Lukas 21:15

Iya ame me ke mu pa himamu ka popya, nounongo mboka mbuhamau ulu okutethwa ombata, odhondjedhi dhen̯i adhihe madhi ka anyenwa oku mu yaka ne oku mu tetha ombata.

Lukas 6:36

Kalen̯i nonkenda, ngaIho hiee na onkenda.

Johannes 1:14

Ondaka ya ninga omuntu ngwaa kala mokati ketu. Nt̯e twa tala etumbalo lye, etumbalo lyOngunga yaIhe. Ye wa li ae yula et̯ilonkenda notjatjili.

Johannes 1:47

Jesus wa mona Natanael ame ya kuye. Iya Jesus wa popya ouhunga naye ha tyaa: “Taa tuutuu, Omwiisraeli watjatjili ngoka nguhe na tja ovithithi!”

Ovilinga 11:24

Barnabas wa li omulumentu omuwa weitavelo, ngwee yulithilwe Ombepo Ondhilikwa. Ovantu ovengi va ninga ovaitaveli vaMuhona.

Ovilinga 9:36

Iya moJoppe mwa li omukadhintu umo omulongwa nguu tiwa oTabita. (Ena hendi mOtjigreka li tiwa oDorkas, mali tya omenye.) Ye wa kala aa undapa ouwa nokupopila ovathona.

Ovaroma 12:18

Andaa matji tjiiwa, tji li kun̯e mu kale nouwa novantu avehe.

Ovaroma 12:9

Ohole hái kala novineya. Tilen̯i ouvi, kakatelen̯i mouwa.

Ovaroma 15:14

Vakwetu, naame ndji tji lwete okutya mokati ken̯i mu na ouwa oun̯ingi, n̯e mu na odhondunge, mamu ulu okukala amamu lilongo.

1 Ovakorinto 12:8

Omuntu umo ma pewa ondaka younongo kOmbepo Ondhilikwa, omukwawo ha pewa ondaka yodhondunge kOmbepo yatjo tuu ndjoka,

2 Ovakorinto 10:1

Aame omwene Paulus me mu ilikin̯a, ame ngumu tya ndjimukata, andaa ndji li pun̯e, iya ndjimbandhi, andaa hí li pun̯e. Me mu kumbu mena lyouwa nolweembya lwaKristus.

2 Ovakorinto 6:6

Twe liyulika ovene okutya tuvantu vaKalunga moukohoki, modhondunge, melikambulithilo nomolweembya. Matu endethwa kOmbepo Ondhilikwa, tu na ohole ndjihai liningitha.

2 Ovakorinto 7:11

Iya taa tuutuu, Kalunga hiee mu undapela, himwa ningithwa omitima omivi kehalo lye. Okuningithwa omitima omivi kwe mu etela ouvandhi, ngahi mwa yulika okutya kamu na tja ombedhi. Otjipuka hitji li hinyahi tje mu tilitha, hatji mu yumanetha, hatji mu dhimbalukitha, hatji mu etele ouvandhi nehalo okuyumaneka ouvi. Mwa yulika okutya n̯e kamu na tja ombedhi nokanunu movipuka avihe.

2 Ovakorinto 9:10

Iya Kalunga nguma pa omukuni ombuto yokukuna, oye ma pa omuntu ovikulya, me ke mu pa wo ombuto aihe ndjimamu hepa, ma ka menetha mbimwa kuna, opo vi mu etele ompepela mena lyokuyandja kwen̯i okuwa.

Ovaefeso 5:9

mena lyokutya ouwa auhe nouvyuuki notjatjili otjo tji li ovinyango vyotjiten̯i.

Ovafilippi 1:11

Iya mamu yulithwa ovinyango vyouvyuuki muJesus Kristus okutumbaleketha nokuhivilikitha Kalunga.

Ovafilippi 4:8

Iya, vakwetu, thongononen̯i otjipuka atjihe soka hitji li otjatjili, nahitja tumbala, nahitja vyuuka, nahitja kohoka, nahitji holwe, nahitja tumbalekwa, kutya onteto ombwa ne ompandu,

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

1 Ovatessalonika 2:7

Nt̯e ngahi tu li ovayapostoli vaKristus twa thele okutumbalekwa kun̯e, atjaa katu halele okutumbalekwa, twa li vala nawa mokati ken̯i ngomwali hiaa tekula odhondele dhe.

1 Timoteus 5:21

Me ku anetha kotjipala tjaKalunga notjaKristus Jesus nomovipathi vyovaengeli ovadhilikwa okutya kambulitha elongo hendi, hó kala nokapungulula nokanunu ne okuningila ovantu vamo pontyo movipuka avihe mbimo ningi.

2 Timoteus 2:24

Omuntu waMuhona ka tha okutanguna, iya u tha okukala omuntu omuwa, nguu hole ovantu avehe, nguma ulu okulonga ovantu, nguu na olweembya.

Titus 1:15

Kumbava kohoka, ovipuka avihe vya kohoka, iya kumbava sila, mbahave na tja eitavelo, kave na tja nahi tja kohoka, mena lyokutya odhondunge nelityoo lyawo lya sila.

Titus 3:2

ahamava popile omuntu mouvi, ahamava kala nomalutangu, iya ngava kale nawa ave na onkenda novantu avehe.

Ovaheberi 12:11

Iya omuntu poluvedhe ndoka ama yumanekwa, kombinga ye ka kala ae lwete okutya otjipuka otjiwa, iya u kala ae yuvite navi, iya mbava tekulwa nyahoka, kon̯ima okuyumanekwa hoka maku ka yandja otjinyango otjiwa tjouvyuuki.

Ovaheberi 12:14

Kondjen̯i okukala nouwa novantu avehe, n̯e mu kondje okukala ovadhilikwa, mena lyokutya kape na nguma ka mona Muhona, andaa hamudhilikwa.

Jakob 1:17

Ovipuka avihe oviwa mbimo pewa, notjali atjihe hitja hwile po, tji dha kombanda kuKalunga, kuIhe yotjiten̯i, hatji ya pohi, amatji dhi kuhengu nguhe na omalundauluko ne omapilauluko otjiten̯i net̯iku.

Jakob 1:5

Iya andaa umo owomun̯e ma hepa ounongo, nga kumbe kuKalunga, me u pewa. Kalunga u yandja kovantu avehe, ka pungulula.

Jakob 2:13

Mbahave na onkenda novakwawo kaava ka t̯ilwa onkenda, iya mbave na onkenda mava ka ton̯a ekoyo.

Jakob 2:4

Amamu lipungaulula nyahoka, kaamu undapa ovipuka ovivi?

Jakob 3:15

Ounongo mbuu li nyahoka kau dhi kombanda, iya owouye, wountu nowoundiapoli.

Jakob 4:8

Hweenen̯i kuKalunga, ye ma hweene kun̯e. Ovalundhi, kohen̯i omawoko en̯i, n̯e owomahumbakuvali, kalen̯i ovakohoki momitima vyen̯i.

1 Petrus 1:22

Iya napano himwa tyaa otjatjili, mwa kohoka, mu hole ovaitaveli vakwen̯i, kamu liningitha. Kalen̯i amu lihole tjatjili nomitima mbyaa kohoka.

1 Petrus 2:1

Iya yethen̯i ovipuka avihe ovivi, ovithithi, okulinoma, onki nomalwaambo.

1 Petrus 2:18

Vaundapi, tyeen̯i kovahona ven̯i, n̯e mu ve tumbaleke. Hámu tee vala kumbave li nawa, iya nokumbave na onya.

1 Johannes 3:18

Vanwandje, hátu kala atu lihole vala nelaka, iya ngatu kale atu lihole movilinga nomotjatjili!

1 Johannes 3:3

Iya auhe nguu na eliun̯iko hendi okuliun̯ika muye, nge likohole, ngaye hiaa kohoka.