Jakob 3:15 - Etestamende Epe Moludhimba

¹⁵ Ounongo mbuu li nyahoka kau dhi kombanda, iya owouye, wountu nowoundiapoli.

Jakob 3:15 Iomraidhean Croise

Lukas 16:8

“Omuhona wa hiva omuyungi hengu onkembi, mena lyokutya wa undapa noulungami. Iya ovantu wouye hembu ve lilungametha okupon̯a ovantu wotjiten̯i.”

Johannes 3:17

Iya Kalunga ka tumine Omuna mouye a koye ouye, we mu tuma, opo ouye u hupithwe kuye.

Johannes 8:44

N̯e mu na iho omudiapoli, mamu hala okuundapa ehalo lyaiho. Ye omudhipai okudha peutilo, ye ke na tja mpoka mpaa li motjatjili, mena lyokutya muye kamu na tja otjatjili. Ama popi ovithithi, u popya ovipuka vye omwene, mena lyokutya ye onkembi, ye oye e li ihe yovithithi avihe.

Ovilinga 13:10

ha tyaa: “Ove undele yaSatana, undjedhi yovipuka avihe oviwa! Ove we yula ovineya ovivi, iya apehe u lola okupilulula otjatjili tjaMuhona, tji ninge ovithithi!

Ovaroma 1:22

Ve limona okutya ve na odhondunge, nan̯i wo ovahima.

1 Ovakorinto 1:27

Iya ovipuka mbyoka vyomouye mbii ngala owoova Kalunga ovyo a holowola, opo a t̯ithe ohon̯i ovanongo. Iya ovipuka mbyoka vyomouye mbii ngala ovingone Kalunga ovyo a holowola, opo a t̯ithe ohon̯i mbyaa kola.

1 Ovakorinto 2:14

Iya omuntu vala kaa ulu okutambula ovipuka mbimavi dhi kOmbepo yaKalunga. Kee vi tee, mavi mu ningile owoova, mena lyokutya ovipuka vyopambepo mavi teeka vala kovantu wopambepo.

1 Ovakorinto 3:19

Iya ounongo wouye hembu, kotjipala tjaKalunga owoova, mena lyokutya kwa sonekwa okutya: “Kalunga wa kambula ovanongo, tainkolo mave litya va lungama.”

1 Ovakorinto 3:3

iya nanapano mu li monkalo yovantu womouye hembu. Mokati ken̯i mu na onki nomalutangu. Kamu li mouye nomonkalo yountu?

2 Ovakorinto 1:12

Iya okulitanga kwetu hookohu okutya elityoo lyetu mali tu heele nawa okutya onkalamwenyo yetu mouye hembu twa kala moudhilikwa nomoukohoki waKalunga, unene tuu onkalo pokati ketu nan̯e, katu viyulilwe kounongo wonkalo yountu, iya okodhonkono dhet̯ilonkenda lyaKalunga.

2 Ovakorinto 11:3

Ame me tila okutya pamo omalipulo en̯i maa ngwangwanekwa, hamu yetha okukala ovantu vaKristus ngaEva hiaa pukithwa konyoka yovineya.

Ovafilippi 3:19

Ovantu mboka ehulilo lyawo ekeko. Edhimo lyawo olyo li li kalunga kawo. Ohon̯i yawo kuwo etumbalo. Wo va soka vala ovipuka vyokombanda yohi.

2 Ovatessalonika 2:9

Omunauvi me ke ya novilinga vyaSatana nodhonkono adhihe novilingatangan̯eko novilingakumithi vyovithithi,

1 Timoteus 4:1

Iya Ombepo Ondhilikwa mai thitulula nawa himai tya pomatango athiinina ovantu vamo mava ka yetha eitavelo, hava landula odhombepo dhokupukitha nomalongo odhondemoni.

Jakob 1:17

Ovipuka avihe oviwa mbimo pewa, notjali atjihe hitja hwile po, tji dha kombanda kuKalunga, kuIhe yotjiten̯i, hatji ya pohi, amatji dhi kuhengu nguhe na omalundauluko ne omapilauluko otjiten̯i net̯iku.

Jakob 1:5

Iya andaa umo owomun̯e ma hepa ounongo, nga kumbe kuKalunga, me u pewa. Kalunga u yandja kovantu avehe, ka pungulula.

Jakob 3:17

Ounongo mbuu dha kombanda, olutenga wa kohoka, u na ouwa, u na olukeno noupanga, we yula onkenda novilinga oviwa, kau na tja omalimbililo ne ovineya.

Judas 1:19

Ovantu mboka owo ve li mbava eta omaliyapauko, ve li monkalo yountu, kave li pambepo.

Eholololo 12:9

Iya etjithi enene lya yekelwahi, onyoka onkulu ndjii tiwa omudiapoli, ndjii li Satana, omutyolethi wovantu avehe mouye, wa yumbwa kombanda yohi, novaengeli ve va yumbwa kombanda yohi pamo naye.

Eholololo 2:24

“Iya n̯e vamo owomoTiatira, amuhe mbahamu tambulile elongo hendi evi, mbahamu i ‘Oviholekwa vyaSatana’ ngahi va popya, me mu heele okutya híme mu twike omutenge umo,

Eholololo 9:11

Otjimbonde tji na ohamba yatjo, omweengeli wenkomototo. Ena lye mOtjiheberi u tiwa oAbaddon mOtjigreka u tiwa oApollion.