Jakob 3:14 - Etestamende Epe Moludhimba

¹⁴ Iya andaa mu na onki nolwiho momitima vyen̯i, hámu litanga, n̯e hámu kembe okukondjetha otjatjili.

Jakob 3:14 Iomraidhean Croise

Mateus 27:18

Iya Pilatus wa li ae tji i okutya ovantu Jesus ve mu yandja kuye mena lyonki.

Johannes 16:2

Ovanene wOvajuda mave ke mu lamba mo modhosinagoga dhawo. Iya owola mai ke ya, katango auhe ngume mu dhipaa, ma ka soka okutya aa ningi nyahoka, ma undapele Kalunga.

Ovilinga 13:45

Iya Ovajuda hiva mono owingi wovantu himau ya kuPaulus, va uta oku ve t̯ila onki. Va penya, hava kondjetha ovipuka Paulus mbyaa popya.

Ovilinga 26:9

“Naame wo mba li ame lipula okutya mba thele okukondjetha nodhonkono adhihe ena lyaJesus Omunasareta.

Ovilinga 5:17

Omuyambethi omunene novantu ve avehe nOvasadukai va t̯ila onki ovayapostoli.

Ovilinga 7:9

“Ootateombwale, odhondele dhaJakob ovadhantu, va t̯ila onki omunitjawo Josef, have mu landetha po, ha ka kala omupika koEgipiti. Iya Kalunga wa li pamo naye,

Ovaroma 1:29

Wo kave na tja ouvyuuki nokanunu, ve na oungangala, olwiho, ouvi, onki, okulidhipaa, ovilwa, okulikengelela, okusokela ovakwawo ouvi, olwaambo,

Ovaroma 13:13

Ngatu enden̯i monkalo ombwa yopoluhandja ndjii endwa, hátu kala modhontjingo dhomaut̯iku, mepyalu, movihulo nomokuhelitjaela movihulo, molutangu ne onki.

Ovaroma 2:17

Iya ove u litya uMujuda, we liun̯ika moveta, u litangela Kalunga,

Ovaroma 2:8

Iya ovantu mboka mbave lihole ovene, mbava anya hitji li mondjila, mbava landula hitja puka, Kalunga ma ka t̯a omadhinge, he ve yumaneke noluyuma.

1 Ovakorinto 13:4

Ohole i likambulithila, ohole i na onkenda, ohole kai na tja onki, ohole kai litanga.

1 Ovakorinto 3:3

iya nanapano mu li monkalo yovantu womouye hembu. Mokati ken̯i mu na onki nomalutangu. Kamu li mouye nomonkalo yountu?

1 Ovakorinto 5:2

Mu litangela tji? Mwa thele okweetetha onkenda. Omuntu nguu ninga nyahi, wa thele okwiithwa mo mokati ken̯i.

1 Ovakorinto 5:6

Okulitanga kwen̯i, hakuwa. Kamu tji i okutya okantathi okanunu ka pitha ombulunga aihe?

2 Ovakorinto 12:20

Ame me tila okutya pamo hime ya kun̯e, me mu vadha ahamu li ngahi me hala. Iya nan̯e wo pamo mamu ka mbadha andji li ngahi hámamu hala. Ame me tila okutya pamo me ke mu vadha amu na omalutangu, onki, oluyuma, okuliyapauka, okulikuminina, omalwaambo, ovithithi, okulinoma nokungwangwana.

Ovagalati 5:15

Iya andaa mu li ngovithitu, mu lilumata, hamu liihametha, lungamen̯i, mpe mamu limana po.

Ovagalati 5:20

okuundapela ovikalunga, oumpule, okuliyele, odhombata, oukodhi, oluyuma, ovilwa, okulipatela odhondjila,

Ovagalati 5:21

ethupa, epyalu, odhontjingo dhout̯iku novipuka ovikwawo ngahembi. Ame me mu londola ngahi mbe mu londola ae lukulu. Ovantu mbamava undapa ovilinga mbii li nyahoka, kaava ka pingana otjilongo tjaKalunga.

Ovagalati 5:26

Hátu kala amatu lithele, hátu lileve ne okulit̯ila onki.

Ovagalati 6:13

Iya mbava pitithwa etanda, wo ovene kava kambulithile oveta, va hala okutya mu pitithwe etanda, opo ve litangele omalutu en̯i.

Ovafilippi 1:15

Iya nandaku tiwa vamo va teetha Kristus nonki nodhombata, vamo va teetha nehalo ewa.

Ovafilippi 2:3

Hámu undapa tja nokanunu mombepo yokukala amu lihole ovene ne okutaendha vala etumbalo, iya linunupiken̯i mu tumbaleke ovakwen̯i okupon̯a pun̯e ovene.

1 Timoteus 2:4

ye u hala ovantu avehe va hupithwe, wo va iwe otjatjili.

1 Timoteus 6:4

omuntu nguu li nyahoka omulinomi, ye ke na hiee i, odhondunge dhe dha ngwangwana, u hole okutetha odhombata. Modhombata mu dha ovipuka ovivi, omalutangu, onki, omatukano nomalimbililo omavi.

Titus 3:3

Iya nant̯e wo twa li ahatu na tja odhondunge, nahi katu tee, twa pukile, twa li ovapika womahalo ngae lili nangae lili. Twa kala monkalamwenyo yonki noyouvi, twe litoyele pokati.

Jakob 1:18

Kalunga we tu pa omwenyo kehalo lye omwene okupitila mondaka ye yatjatjili, opo tu kale owolutenga movyuutwa vye.

Jakob 3:16

Mpape na onki nokulihole ovene, pa kala okungwangwana novilinga avihe ovivi.

Jakob 5:19

Vakwetu, andaa mokati ken̯i mu na nguma dhi mondjila yatjatjili, umo he mu tjun̯a,