Jakob 2:18 - Etestamende Epe Moludhimba

¹⁸ Pamo pe na nguma tyaa: “Matji tjiiwa okukala neitavelo ndihali na tja ovilinga.” Ame me mu yaka ame tyaa: “Ndjulikila ndje eitavelo ndihali na tja ovilinga, ame me mu yulikile eitavelo lyandje movilinga vyandje.”

Jakob 2:18 Iomraidhean Croise

Ovaroma 14:23

Iya nguma li ae limbililwa, okutya omuntu ngoka ma koywa kuKalunga, mena lyokutya hima li katji dhile meitavelo, iya atjihe hihatji dhile meitavelo, oulundhi.

Ovaroma 3:28

Iya matu tya omuntu ma ningwa omuvyuuki mena lyeitavelo, hamena lyokuhwithila po oveta.

Ovaroma 4:6

NaDavid wo otjo ma popi hima tya omunalao omuntu ngoka nguma talwa okutya omuvyuuki kuKalunga ahape na tja ovilinga.

Ovaroma 8:1

Iya napano kape na tja ekoyo okupa onkali mbave li muKristus Jesus,

Ovaroma 9:19

Umo owomun̯e ma mpula ama tyaa: “Iya omena lyatji Kalunga me tu pa ombedhi? Iya aan̯i nguma ulu okukondjetha ehalo lyaKalunga?”

1 Ovakorinto 13:2

Ame nande kala andji na otjali tjokupopya etumwalaka lyaKalunga, he kala nounongo wokwiiwa oviholekwa avihe ne he kala andji na eitavelo ndimali ulu okudhikula po ondundu, atjaa nan̯i hí na tja ohole, okutya aame otjipuka vala.

2 Ovakorinto 5:17

Iya andaa pe na nguu li muKristus, wa ile omuutwa omupe, ovikulu vya i, taa tuutuu, ye wa ile omupe.

2 Ovakorinto 7:1

Vahivilikwa, iya hitu na omaudhiko henga, ngatu likohe osilo aihe, ndjimai silike olutu ne omwenyo. Ngatu kale nontanto yokwiila ovadhilikwa, nt̯e tu tile Kalunga.

Ovagalati 5:6

Iya atu li muKristus Jesus, okupita etanda nokuhapita etanda, avihe hembi kavi na himavi tya. Hitji na otjilinga okukala atu na eitavelo ndimali yulike okutya tu hole ovakwetu.

1 Timoteus 1:5

Iya ontanto yeilikin̯o hendi, ohole ndjimai dhi komutima mbwaa kohoka, melityoo ewa neitavelo lyatjatjili.

Titus 2:7

Movipuka avihe ove ila omuholelwa wovilinga oviwa, nelongo lyoye ngali kale alya kohoka, lyo alya tumbala.

Ovaheberi 11:31

Eitavelo olyo lya amena ekunga Rahab, ahama dhipawa pamo novakondjethi vaKalunga, mena lyokutya wa hupitha odhontumwa dhOvaisraeli.

Ovaheberi 11:33

Mena lyeitavelo va kondjetha ovilongo, have vi ton̯a. Va undapa ouvyuuki, hava mono omaudhiko ngaa hwithilwa po, hava pata ovinyo vyodhonkeyama.

Ovaheberi 11:6

Kape na tja ngume hulukilwa kuKalunga, andaa ke na tja eitavelo, mena lyokutya nguma hweene puKalunga, wa thele okwiitavela okutya Kalunga oko e li, ye ma thutu mbamave mu taendha.

Jakob 2:14

Vakwetu, tji na ouwa watji, amo tya u na eitavelo, ove himo undapa ahamatji yulike okutya u na eitavelo? Eitavelo ndii li nyahoka mali ku hupitha?

Jakob 3:13

Aan̯i mokati ken̯i nguu na odhondunge nounongo? Nge tji yulike nonkalo ye ombwa novilinga vye oviwa vyounongo mbyaa tutuvala.