Jakob 1:17 - Etestamende Epe Moludhimba

¹⁷ Ovipuka avihe oviwa mbimo pewa, notjali atjihe hitja hwile po, tji dha kombanda kuKalunga, kuIhe yotjiten̯i, hatji ya pohi, amatji dhi kuhengu nguhe na omalundauluko ne omapilauluko otjiten̯i net̯iku.

Jakob 1:17 Iomraidhean Croise

Mateus 7:11

Iya n̯e mbamu li ovavi, andaa mu tji i okuyandja ovipuka oviwa kovanwen̯i, unene tuu Iho owomeulu ma yandja ouwa kovantu mbamave mu kumbu.

Lukas 11:13

Iya n̯e mbamu li ovavi, andaa mu tji i okuyandja ovipuka oviwa kovanwen̯i, unene tuu Iho owomeulu ma yandja Ombepo Ondhilikwa kumboka mbamave mu kumbu.”

Johannes 1:9

Otjiten̯i tjatjatjili himatji tungatele omuntu auhe matji ya mouye.

Johannes 3:27

Johannes wa yaka ha tyaa: “Omuntu kaa ulu okuliithila otjipuka, nkwai oKalunga me mu pa tjo.

Johannes 3:3

Jesus we mu yaka ha tyaa: “Ame me ku heele otjatjili okutya omuntu andaa kaa yumukululwa, kaa ulu okumona otjilongo tjaKalunga.”

Johannes 8:12

Jesus wa heela uke ovantu ha tyaa: “Aame otjiten̯i tjouye. Nguma ndandula, kaa ende met̯iku nokanunu, iya ma kala notjiten̯i tjomwenyo.”

Ovilinga 11:18

Iya wo hiva tee odhondaka hendhi, kave na uke hiva popya, va hivilika Kalunga hava tyaa: “Kalunga wa yandja oluvedhe kovapaani, ve liteyulule, opo va kale nomwenyo.”

Ovilinga 5:31

Omulumentu hengu Jesus, Kalunga we mu yelela peulu kokulyo kwe, a kale Ohongodhi nOmuhupithi, opo a pe Ovaisraeli oluvedhe lwokuliteyulula, va ithilwe po odhonkali dhawo.

Ovaroma 6:23

Ondjambi youlundhi et̯o, iya otjali tjaKalunga omwenyo waapehe muKristus Jesus, Muhona wetu.

1 Ovakorinto 4:7

Iya aan̯i ngwee ku ninga omunene okupon̯a ovakwen̯i? Otjitji hiuu na tjo, hiho pelwe kuKalunga? Andaa nan̯i we tji pewa, mo linomene tji ngangumo tya ku tji pelwe otjali?

2 Ovakorinto 4:6

Iya Kalunga ngwaa popya ha tyaa: “Met̯iku ngamu dhe otjiten̯i tji tungatele,” oye e li ye ngwaa tungatela momitima vyetu, opo tu iwe elaimo lye, elaimo ndimali laimine motjipala tjaKristus.

Ovaefeso 1:18

Me kumbu Kalunga a tungatele omeho en̯i omomutima, opo mu iwe eun̯iko ndyoka ndimwa ithanenwa, nouhona wetumbalo lyoumpinga we mpau lithike movantu ve ovadhilikwa,

Ovaefeso 2:8

Iya mwa hupithwa ket̯ilonkenda meitavelo. Ehupitho hendi mwe li pewa otjali kuKalunga, kaamu ulu okuliundapela lyo ovene.

Ovafilippi 1:29

Iya mena lyokutya mwa pewa otjilinga tjokuundapela Kristus, hakumu itavela vala, iya nokutatethwa wo mena lye.

1 Timoteus 6:16

Oye vala aika nguha t̯i. U kala motjiten̯i muhamu tjiiwa okwiiwa. Kaku na tja omuntu ngwee mu mona, ko kaku na tja omuntu nguma ulu oku mu tala. Kalunga nga tumbalekwe, ye nga tumine apehe katee apehe. Amen.

Ovaheberi 13:8

Jesus Kristus ka lunduluka, hiaa li ongulohi, otjo e li nandino katee apehe.

Jakob 1:5

Iya andaa umo owomun̯e ma hepa ounongo, nga kumbe kuKalunga, me u pewa. Kalunga u yandja kovantu avehe, ka pungulula.

Jakob 3:15

Ounongo mbuu li nyahoka kau dhi kombanda, iya owouye, wountu nowoundiapoli.

Jakob 3:17

Ounongo mbuu dha kombanda, olutenga wa kohoka, u na ouwa, u na olukeno noupanga, we yula onkenda novilinga oviwa, kau na tja omalimbililo ne ovineya.

1 Johannes 1:5

Matu mu heele elaka hendi nditwa tyaa muye okutya Kalunga oye e li otjiten̯i, muye kamu na tja et̯iku nokoholo.

1 Johannes 4:10

Iya mpoka opo pe na ohole, hamena lyokutya nt̯e twa kala atu hole Kalunga, iya oye a kala ae tu hole, ha tumu Omuna a ninge ondjowo yodhonkali dhetu.

Eholololo 21:23

Otjitungwalongo soka katji hepele okutungatelwa netango ne nomwedhi, mena lyokutya elaimo lyaKalunga mali tji laimine, Ondjona oyo i li olamba yatjo.

Eholololo 22:5

Kaaku ka kala out̯iku, ovantu vaKalunga kaava ka hepa uke otjiten̯i tjolamba ne otjiten̯i tjetango, mena lyokutya Muhona Kalunga oye e li otjiten̯i tjawo. Iya mava ka tumina ngodhohamba apehe katee apehe.