Filemon 1:1 - Etestamende Epe Moludhimba

¹ Omukanda hembu mau dhi kwaame Paulus, onkwatwa yaKristus Jesus, wo mau dhi wo nokomukwetu Timoteus. Me sonekele Filemon omuhivilikwa, omuundapi pamo nant̯e,

Filemon 1:1 Iomraidhean Croise

Ovilinga 16:1

Paulus we ya koDerbe nokoListra, hukwa li omulongwa nguu tiwa oTimoteus. Ina, naye wa li Omujuda omwiitaveli, ihe wa li Omugreka.

1 Ovakorinto 3:9

Iya nt̯e tuvaundapi pamo naKalunga. N̯e on̯e mu li otjana tjaKalunga, n̯e on̯e wo mu li etungo lyaKalunga.

2 Ovakorinto 1:1

Omukanda hembu mau dhi kwaame Paulus, omuyapostoli waKristus Jesus kehalo lyaKalunga, wo mau dhi wo nokomukwetu Timoteus. Me sonekele eongalo lyaKalunga lyomoKorinto nokovadhilikwa vaKalunga avehe mbave li moAkaia atjihe.

Ovagalati 3:26

Iya n̯e amuhe muKristus Jesus mudhondele dhaKalunga mena lyeitavelo.

Ovaefeso 3:1

Ame Paulus ndjinkwatwa mena lyokutya n̯e ovapaani ndji mu teethela Kristus Jesus,

Ovaefeso 4:1

Ame ndjinkwatwa mena lyokutya ndji undapela Muhona, me mu kumbu mu ende ngahi mwa thele okweenda paithano ndimwa ithanenwa,

Ovaefeso 6:20

Iya ame ndjimukalelepo wondaka ombwa nandaku tiwa napano ndji li momalyenge. Iya nkumbila ndjen̯i, opo hime teetha ndji popye nouvandhi ngahi mba thele okupopya.

Ovafilippi 1:1

Omukanda hembu mau dhi kwaame Paulus naTimoteus, ovapika vaKristus Jesus. Me sonekele ovadhilikwa vaKalunga avehe womoFilippi, mboka mbava itavela muKristus Jesus, pamo novambisofi novantu vamo mbava popila eongalo.

Ovafilippi 2:25

Ame me tala okutya matji hepwa oku mu tumina Epafroditus omukwetu, omulongi nomukwavita mukwetu, ontumwa yen̯i, nguma mpopile muhime hepwa.

Ovafilippi 4:3

Iinga, naove wo omupopili wandje watjatjili, me ku pula, u popile ovakadhintu hemba, mena lyokutya va kondjela ondaka ombwa pamo naame, wo va undapa pamo naKlemens novapopili vakwetu mboka mbave na omana awo membo lyomwenyo.

Ovakolossa 1:1

Omukanda hembu mau dhi kwaame Paulus, omuyapostoli waKristus Jesus, kehalo lyaKalunga, nokomukwetu Timoteus.

Ovakolossa 4:11

Josua nguu tiwa oJustus naye wo me mu menekele po. Ovantu hemba vala vatatu ovaitaveli mbava dha moujuda, owo tu undapa pamo nawo mena lyotjilongo tjaKalunga. Va mpopila unene.

1 Ovatessalonika 3:2

Twa tuma omukwetu, Timoteus, nguu undapa otjilinga tjaKalunga nguu teetha ondaka ombwa yaKristus, opo e mu pameke, e mu vandhipaleke meitavelo.

2 Ovatessalonika 1:1

Omukanda hembu mau dhi kwaame Paulus naSilvanus naTimoteus. Me sonekele eongalo lyomoTessalonika, ovantu vaKalunga Tate naMuhona Jesus Kristus.

2 Timoteus 1:8

Hó t̯a ohon̯i okuhipulula Muhona wetu, naame ngumba kambulwa mena lye, hó nt̯a ohon̯i. Hepa pamo naame mena lyokuteetha ondaka ombwa, Kalunga ngahi me ku pa odhonkono oku tji ninga.

Filemon 1:23

Epafras, onkwatwa pamo naame mena lyaKristus Jesus me mu menekele po,

Filemon 1:24

naMarkus naAristarkus naDemas naLukas, ovaundapi pamo naame nawo wo, mave mu menekele po.

Filemon 1:9

iya mena lyohole, me ku kumbu. Iya ame Paulus ndji li ngahi ndji li, mba kulupa, iya napano wo ndjinkwatwa yaKristus Jesus.