Eholololo 4:4 - Etestamende Epe Moludhimba

⁴ Otjipunditumino tja kondolokelwe kovipunditumino omilongo vivali navine. Kovipunditumino mbyoka kwa li akwa kala pohi ovanene omilongo vivali navane mbava dhala omidhalo omipembadhi. Komitwe va dhala odhohala dhotjingoldo.

Eholololo 4:4 Iomraidhean Croise

Mateus 19:28

Jesus we ve heela ha tyaa: “Ame me mu heele otjatjili okutya Omuna wOmuntu hima ka kala pohi kotjipunditumino tjetumbalo lye mouye mbumau ya, nan̯e wo mbamwa ndandula mamu ka kala pohi kovipunditumino omulongo navivali okukoya omaanda omulongo naavali aIsrael.

Lukas 22:30

opo mu ka lye nokunwa pamo naame motjilongo tjandje, iya mamu ka kala pohi kovipunditumino nokukoya omaanda omulongo naavali aIsrael.

2 Timoteus 4:8

Iya napano mba ungulilwa ohala youton̯i wouvyuuki, Muhona, nguu koya nouvyuuki, ndjima ka mpa metango ndyoka ngahi ma ka pa wo ovantu avehe mboka mbave mu dhimbaluka, mbava hala oku mu mona.

Eholololo 11:16

Iya ovanene omilongo vivali navane mbava li ava kala pohi kovipunditumino vyawo kotjipala tja Kalunga, ve lit̯imika po, hava tumbaleke Kalunga.

Eholololo 14:3

Iya va imba otjiimbo otjipe komeho yotjipunditumino nomovipathi vyovipuka vine mbii na omwenyo nomovipathi vyovanene. Kape na ngwaa li ama ulu okulilonga otjiimbo soka, kakele vala komayovi ethele nomilongo vine navane aveika, mboka mbava yowolwa kombanda yohi.

Eholololo 19:14

Ovakwavita womeulu ve mu landula, ava kavile kodhonkambe odhompembadhi, ava dhala omidhalo omipembadhi vyodholiina mbyaa kohoka.

Eholololo 19:4

Ovipuka vine mbii na omwenyo novanene omilongo vivali navane va wila pohi hava tumbaleke Kalunga ngwaa kala pohi kotjipunditumino, hava tyaa: “Amen! Halleluya!”

Eholololo 2:10

Hó tila ovipuka mbimo tatethelwa. Taa tuutuu, omudiapoli ma ka yedhilila vamo owomun̯e mokaliwoso, mu lolwe, n̯e mu ka monethwe ovihuna omatango omulongo. Kala omuliun̯ikwa katee ket̯o. Ame me ke ku pa ohala yomwenyo.

Eholololo 20:4

Mba mona ovipunditumino, mbava kala ko pohi, va pewa odhonkono okukoya. Mba mona omienyo vyamboka mbava dhipawa mena lyoumbangi waJesus nomena lyodhondaka dhaKalunga, mbahava tumbalekele otjithitu ne mbahava tumbalekele otjithika tjatjo ne mbahava twiilwe otjihako modhompomo dhawo nokomawoko awo. Va ninga omwenyo, hava tumine pamo naKristus oule wodhombula eyovi.

Eholololo 3:18

Nge ku pukulule, u lande kwaame otjingoldo hitja kohwa momulilo, opo u ninge omuhona, ove u dhale omudhalo omupembadhi, opo hó ende nyahinya, u t̯e ohon̯i. Landa omuti, u litwee momeho, opo u ku mona.

Eholololo 4:10

ovanene mboka omilongo vivali navane, mava wile pohi kotjipala tja hengu ngwaa kala pohi kotjipunditumino. Iya mava tumbaleke nguu na omwenyo apehe katee apehe, hava yumbu pohi odhohala dhawo komeho yotjipunditumino, hava tyaa:

Eholololo 4:6

Iya komeho yotjipunditumino kwa li otjipuka himatji ngala elunga ndimali laima ngekende lyokristali. Pokati pa li otjipunditumino, nonkondoloka notjipunditumino pa li ovipuka vine mbii na omwenyo, mbyee yula omeho komeho nokon̯ima.

Eholololo 5:11

Ame mba mona, ye he tee ondaka yovaengeli ovengi mbava kondoloka otjipunditumino pamo novipuka mbyoka vine mbii na omwenyo novanene mboka omilongo vivali navane. Otjihavelo tjawo tja li omamiliyona nomamiliyona,

Eholololo 5:14

Ovipuka mbyoka vine mbii na omwenyo vya yaka havi tyaa: “Amen!” Ovanene va wila pohi, hava tumbaleke Kalunga.

Eholololo 5:6

Mba mona Ondjona ndjaa kulama potjipunditumino ndjaa kondolokwa kovipuka vine mbii na omwenyo nokovanene. Ondjona ya li amai ngala ya dhipawa. Ya li nodhonyaa epanduvali nomeho epanduvali, omeho ayo a li odhombepo epanduvali dhaKalunga ndhaa tumwa mouye auhe.

Eholololo 5:8

Iya hiya itha mo edhingwambo, ovipuka vine mbii na omwenyo, novanene omilongo vivali navane va wila pohi kotjipala tjOndjona, auhe wa li ae na otjihumba nomalonga otjingoldo ngae na ovitwiimin̯wa, ovyo vya li omaalikano ovantu ovadhilikwa.

Eholololo 6:11

Iya auhe owomuwo wa pewa omudhalo omupembadhi omule. Va heelwa okutya mave tji thuva po kanunu katee otjihavelo tjovakwawo notjovapika vaKalunga ovakwawo mbava thele okudhipawa ngawo matji hwile po wo.

Eholololo 7:11

Ovaengeli avehe va li ava kulama, ava kondoloka otjipunditumino novanene novipuka vine mbii na omwenyo. Ve lit̯imika po komeho yotjipunditumino, hava tumbaleke Kalunga

Eholololo 7:9

Kon̯ima yovipuka hembi mba mona engundwa enene ndihamali ulu okuhawa. Wo va dha movantu avehe womoviwan̯a avihe nomihoko avihe nomomalaka aehe. Va li ava kulama komeho yotjipunditumino nokomeho yOndjona, va dhalekwa omidhalo omipembadhi, wo va li nomavale momawoko awo.

Eholololo 9:7

Iya olupe lwotjimbonde lwa li amalu ngala odhonkambe ndhaa longekedhelwa ovita, iya komitwe vyatjo tja li novipuka mbimavi ngala odhohala dhotjingoldo, ovipala vyatjo vya li ngovyovantu.