Eholololo 3:3 - Etestamende Epe Moludhimba

³ Iya thipaluka hiwa pelwe nahiwa teele, ove u tji takamethe, u liteyulule. Iya andaa koo pathumuka, me ya ngotjimpulu, nowola ndjime ya kwoove, koo i iwa.

Eholololo 3:3 Iomraidhean Croise

Mateus 25:13

“Iya pathumuken̯i, mena lyokutya etango nowola kamu i i.

Markus 13:33

Kalen̯i amwa lungama, n̯e mu pathumuke, mena lyokutya otembu ndjoka kamu i i okutya mai ya nalun̯i.

Markus 13:36

hime ya ontukuluka, ahame mu vadha amwa lala.

1 Ovatessalonika 5:2

mena lyokutya n̯e ovene mu tji i nawanawa okutya, etango lyaMuhona mali ya ngotjimpulu hitji ya out̯iku.

1 Timoteus 6:20

Timoteus, ungula nawa, ove kambulitha hiwa pewa. Yepa omalaka omavi nodhombata dhowoova, ovantu hive lipula okutya odhondunge, tjo ahatji thi odhondunge.

2 Timoteus 1:13

Kambulitha odhondaka odhombwa ndhiwa tyaa mwaame, dhi kale otjiholelwa, meitavelo nomohole ndjii li muKristus Jesus.

Ovaheberi 2:1

Iya twa thele okulitwaa mo unene musoka hitu yuvite, opo hátu i novithithi.

2 Petrus 1:13

Ame me lipula okutya tja vyuuka ndji mu thipalukithe ovipuka hembi, tainkolo ndji na omwenyo.

2 Petrus 3:1

Vakwetu ovahivilikwa, hembu omukanda wandje omutyavali, mbume mu sonekele. Momikanda avyeevali mba kondjo okupathumuna omalipulo en̯i movipuka hembi, mu kale nomalipulo ngaa kohoka.

2 Petrus 3:10

Iya etango lyaMuhona mali ya ngotjimpulu. Etango ndyoka eulu mali ka ithwa po nomutitimo omunene, ovipuka vyokeulu mavi ka pya po nomulilo, nohi novipuka vyayo avihe mavi ka lungwina.

Eholololo 16:15

“Taa tuutuu, ame me ya ngotjimpulu, omunalao onguma pathumuka, ha takametha omidhalo vye, opo há ende nyahinya, ye a t̯e ohon̯i movipathi vyovantu avehe.”

Eholololo 2:25

kambulithen̯i vala soka himu na tjo katee ame me ya.

Eholololo 2:5

Iya thipaluka okutjuna kwoye mon̯ima mpaku lithike, ove u liteyulule, u undape ovilinga vyoye vyolutenga. Iya andaa hatjo, me ya kwoove, he itha po otjituliko tjoye tjolamba polukalo lwatjo, andaa koo liteyulula.

Eholololo 22:7

Jesus wa popya ha tyaa: “Taa tuutuu, ame me ya dhiva. Omunalao onguma takametha odhondaka dhouprofeti wembo hendi.”

Eholololo 3:11

Ame me ya dhiva. Kambulitha soka hiuu na tjo okutya ohala yoye ahamo i nyekwa komuntu noumo.

Eholololo 3:19

Avehe mbandji hole, ndji ve yumaneka, he ve tono. Iya liteyulula awa mana mo.

Eholololo 3:2

Pathumuka, u koleke soka hitja hupu po, hihatjiya t̯a, mena lyokutya ovilinga vyoye hí vi vadhele avya hulu kotjipala tja Kalunga kandje.