Eholololo 3:2 - Etestamende Epe Moludhimba

² Pathumuka, u koleke soka hitja hupu po, hihatjiya t̯a, mena lyokutya ovilinga vyoye hí vi vadhele avya hulu kotjipala tja Kalunga kandje.

Eholololo 3:2 Iomraidhean Croise

Mateus 23:5

Ovilinga vyawo avihe ve vi undapa, opo va moneke kovantu. Iya oupapa wawo mumu na omatumbulo omOmbimbeli, ve u ninga ounene, nodhondjambwila dhomidhalo dhawo odhonde.

Mateus 25:13

“Iya pathumuken̯i, mena lyokutya etango nowola kamu i i.

Mateus 25:7

Ovathukona wongendjo avehe va imuka po, hava ningi nawa odholamba dhawo.

Ovilinga 18:23

Moka omo a kala omatango amo. Kon̯ima ha ka valulila po ovilongo novilongo vyomotjit̯indwalongo tjaGalatia notjaFrigia. Wa popila ovaitaveli vahoka, va kole meitavelo lyawo.

1 Petrus 4:7

Ehulilo lyovipuka avihe li li popedhi. Lungamen̯i, mu liyunge nawa, opo mu tjiiwe okukumba.

1 Petrus 5:8

Liyungen̯i, mu pathumuke. Ondjedhi yen̯i, omudiapoli, u mu kondoloka otjo ma popi ngonkeyama amai hala okukambula himai hala okulya.

Eholololo 16:15

“Taa tuutuu, ame me ya ngotjimpulu, omunalao onguma pathumuka, ha takametha omidhalo vye, opo há ende nyahinya, ye a t̯e ohon̯i movipathi vyovantu avehe.”

Eholololo 2:4

Iya ndji na elaka naove, hiwa yetha ohole yoye yolutenga.

Eholololo 3:1

“Sonekela omweengeli weongalo lyokoSardes u tyee: “Nguu na odhombepo epanduvali dhaKalunga nodhonyothi epanduvali, ma tyaa: Ovilinga vyoye ndji vi i, u na ena nganguu na omwenyo, atjaa wa t̯a.

Eholololo 3:3

Iya thipaluka hiwa pelwe nahiwa teele, ove u tji takamethe, u liteyulule. Iya andaa koo pathumuka, me ya ngotjimpulu, nowola ndjime ya kwoove, koo i iwa.