Eholololo 3:1 - Etestamende Epe Moludhimba

¹ “Sonekela omweengeli weongalo lyokoSardes u tyee: “Nguu na odhombepo epanduvali dhaKalunga nodhonyothi epanduvali, ma tyaa: Ovilinga vyoye ndji vi i, u na ena nganguu na omwenyo, atjaa wa t̯a.

Eholololo 3:1 Iomraidhean Croise

Lukas 15:24

mena lyokutya omunwandje hengu wa t̯ile, napano u na uke omwenyo. Wa kekele, napano wa moneka.’ Wo va uta okuhulukwa.

Lukas 15:32

Iya napano ngatu hulukwe unene, mena lyokutya omunitjoye ngwaa t̯ile u na omwenyo, nahi wa kekele, napano wa moneka.’ ”

Johannes 1:16

Mowingi wet̯ilonkenda lye nt̯e atuhe twa pewa mo elao ndyaa wedhwa ket̯ilonkenda.

Johannes 1:33

Ame mba li ahe mu i, iya Kalunga, ngoka ngwaa ntuma okutjatja nomeva, wa ntjeela ha tyaa: ‘Ngoka ngumo mono ama wililwa kOmbepo, hai kala kombanda ye, oye e li ye ngoka nguma tjatja nOmbepo Ondhilikwa.’

Johannes 20:22

Jesus hiaa popi nyahoka, we ve thuvila, he ve heele ha tyaa: “Tambulen̯i Ombepo Ondhilikwa.

Johannes 3:34

Iya ngwaa tumwa kuKalunga, oye ma popi odhondaka dhaKalunga, mena lyokutya Kalunga kee mu pa Ombepo ama yeleke, iya me mu pa ndjaa hulu.

Ovilinga 2:33

Jesus wa yelulilwa peulu kokulyo kwaKalunga, iya ye wa pewa eudhiko lyOmbepo Ondhilikwa, Ihe ngahi e mu udhikila. Jesus we tu pa Ombepo Ondhilikwa, ndjimu mona napano nandjimu tyaa.

Ovaefeso 2:1

Lukulu mwa li amwa t̯a mombepo mena lyodhonkali nokuhatyaa kwen̯i.

Ovaefeso 2:5

Tainkolo nt̯e twa li atwa t̯a pambepo mena lyokuhatyaa kwetu, Kalunga we tu pa omwenyo pamo naKristus. Mwa hupithwa ket̯ilonkenda.

Ovakolossa 2:13

N̯e mwa t̯ile mena lyodhonkali dhen̯i nomena lyahihamu landula oveta yaKalunga. Iya napano Kalunga we mu pa omwenyo pamo naKristus, hiee tu ithila po odhonkali adhihe.

1 Timoteus 5:6

Omuhepe ngume litwaa movipuka vyokulihulukithwa, wa t̯a nandaku tiwa, ye u na omwenyo.

Jakob 2:26

Iya olutu ahalu na tja omwenyo, lwa t̯a, iya neitavelo wo ahali na tja ovilinga, lya t̯a.

1 Petrus 1:11

Va thongonona otembu ndjoka okutya onalun̯i ne i li vi, Ombepo yaKristus ndjii li muwo ndjaa popya, hiva thimbila okutatethwa kwa Kristus, netumbalo ndimali ke ya kon̯ima yokutatethwa kwe.

Judas 1:12

Ovantu hemba povikulya vyen̯i vyoukumo va t̯itha ohon̯i, va ngala va tunda, ve litekula vala ovene, va ngala omakaka ngaa ithwa ko kombepo ngahae na tja ombula. Wo va ngala omiti vyopompepela mbihavi na ovinyango, mbyaa dhoolwa mo nomidhi vyavyo, havi t̯i.

Eholololo 1:11

hai tyaa: “Soneka medhingwambo hiuu lwete, ove u li tumine omaongalo epanduvali: LyokoEfeso nolyokoSmirna nolyokoPergamo nolyokoTiatira nolyokoSardes nolyokoFiladelfia nolyokoLaodikea.”

Eholololo 1:16

mokuwoko kwe kwokokulyo mwa li odhonyothi epanduvali, nomotjinyo tje mwa dha omukonda mbwaa twa kuvali, notjipala tje tja li amatji ngala etango amali tungatele mokati komutenya.

Eholololo 1:20

Otjiholekwa tjodhonyothi ndhoka epanduvali ndhiwa mono mokuwoko kwandje kwokokulyo novituliko vyodholamba vyotjingoldo epanduvali matji tya hinyahi: Odhonyothi epanduvali ovaengeli womaongalo epanduvali, novituliko vyodholamba epanduvali omaongalo epanduvali.

Eholololo 1:4

Johannes ma popitha omaongalo epanduvali omoAsia: Et̯ilonkenda nouwa mbumau dhi kuKalunga nguu li ko, ngwaa li ko, ye ngume ya, nokodhombepo ndhoka epanduvali ndhii kala kotjipunditumino tje,

Eholololo 2:13

Mpa u kala, ndji pe i, potjipunditumino tjaSatana, atjaa wa kambulitha ena lyandje. Ku litendelele okwiitavela mwaame nopomatango aAntipas, ombangi yandje, omuliun̯ikwa, ngwaa dhipaelwa mokati ken̯i, mpapa kala Satana.

Eholololo 2:19

Ovilinga vyoye ndji vi i, nohole yoye neitavelo lyoye novilinga vyoye vyonkenda nelikambulithilo lyoye ndji li i. Ovilinga vyoye vyathiinina ovingi unene okupon̯a ovyolutenga.

Eholololo 2:2

Ovilinga vyoye ndji vi i, ndji tji i okutya u undapa unene, elikambulithilo lyoye ndji li i, ku liyethele okukala mokati kovantu ovavi. Mbave litya ovayapostoli, wo háve thi ovayapostoli, u ve thongonona nawa, u ve mona okutya odhonkembi.

Eholololo 2:9

“Oudheu nouthona woye ndji u i, iya atjaa ove umuhona. Omapenyo ovantu mboka mbave litya Ovajuda, wo háve thi Ovajuda, ndji e i, iya wo osinagoga yaSatana.

Eholololo 3:15

Ovilinga vyoye ndji vi i. Ku tendele, ove ku pupyalele. Me hala u tende ne u pupyale.

Eholololo 3:2

Pathumuka, u koleke soka hitja hupu po, hihatjiya t̯a, mena lyokutya ovilinga vyoye hí vi vadhele avya hulu kotjipala tja Kalunga kandje.

Eholololo 3:8

Ovilinga vyoye ndji vi i. Taa tuutuu, mbe ku yelulile omuvelo, kape na nguma ulu oku u yedhila, mena lyokutya nandaku tiwa u na ounkono oununu, wa takametha odhondaka dhandje, ove ku litendelele ena lyandje.

Eholololo 4:5

Iya motjipunditumino mwa dha omalukeno nomipopyo nomititimo vyombula. Komeho yotjipunditumino kwa li odholamba epanduvali ndhaa tema, odholamba ndhoka odhombepo epanduvali dhaKalunga.

Eholololo 5:6

Mba mona Ondjona ndjaa kulama potjipunditumino ndjaa kondolokwa kovipuka vine mbii na omwenyo nokovanene. Ondjona ya li amai ngala ya dhipawa. Ya li nodhonyaa epanduvali nomeho epanduvali, omeho ayo a li odhombepo epanduvali dhaKalunga ndhaa tumwa mouye auhe.